நீயா நானா அப்பா-மகள் பாசம்.. சர்ச்சைக்குள்ளான விக்னேஷ் சிவனின் ட்வீட்!

விஜய் தொலைக்காட்சியில் ஒளிபரப்பாகும் நிகழ்ச்சிகளுக்கென்றே தனி ரசிகர்கள் பட்டாளம் உள்ளது. கிட்டத்தட்ட 15 வருடங்களாக ஓடிக்கொண்டிருக்கும் நீயா நானா நிகழ்ச்சி பலதரப்பினருக்கும் பிடித்த ஒன்று, இந்நிகழ்ச்சியை கோபிநாத் தொகுத்து வழங்கி வருகிறார்.  கோட் போட்டாலே கோபிநாத் என்கிற அளவுக்கு இந்நிகழ்ச்சியின் இவர் அவ்வளவு ஃபேமஸ், இந்த நிகழ்ச்சி ஒவ்வொரு வாரமும் ஞாயிற்றுக்கிழமை மதியம் 12:30 மணிக்கு ஒவ்வொரு தலைப்பில் விவாதம் நடைபெற்று வருகிறது.  நீயா நானாவின் லேட்டஸ்ட் எபிசோடில் நடந்த அப்பா-மகள் பாசம் தற்போது பலரது டைம்லைன்களையும் ஆக்கிரமித்துள்ளது.  கணவனை விட தினம் சம்பாதிக்கும் மனைவிகள் என்கிற தலைப்பில் நடத்தப்பட்ட நிகழ்ச்சியில் தனது கணவருக்கு படிக்க தெரியாது என மட்டம் தட்டிய மனைவியை தனது செயலால் கோபிநாத் பதிலடி கொடுத்த சம்பவம் சிறப்பாக இருந்தது.

 மகள்களைப் பெற்ற அப்பாக்களுக்கு மட்டுமே தெரியும் முத்தம் காமத்தில் சேர்ந்ததன்று https://t.co/AR4Z9pHaV3

— Vignesh Shivan (@VigneshShiv) September 12, 2022

இந்த சம்பவத்தை பலரும் பாராட்டி வரும் நிலையில் இயக்குனர் விக்னேஷ் சிவன் இந்த நிகழ்ச்சியின் ப்ரோமோவை தனது ட்விட்டர் பக்கத்தில் பகிர்ந்து உணர்வுபூர்வமான கேப்ஷனையும் சேர்த்துள்ளார். அதில் தங்க மீன்கள் படத்தில் வரும் வசனம் ஒன்றை எழுதியுள்ளார், அவர் பதிவில் ‘மகள்களை பெற்ற அப்பாக்களுக்கு மட்டுமே தெரியும் முத்தம் காமத்தில் சேர்ந்ததன்று’ என்று பதிவிட்டிருந்தார்.  இந்த கேப்ஷனை கண்ட தமிழ் பித்தர்கள் பலர் ‘முத்தம் காமத்தில் சேர்ந்தது’ என்பது போன்ற தவறான அர்த்தத்தை புரிந்துகொண்ட விக்னேஷ் சிவனை வசைபாட தொடங்கினர்.  ஆனால் அவர் எழுதியிருந்தது ‘காமத்தில் சேர்ந்ததில்லை’ என்று தான், இதனை தவறாக புரிந்துகொண்ட சிலருக்கு விளக்கமும் தரப்பட்டு இருக்கிறது.