பீச்சுக்கு போன பிக் பாஸ்.. முதல் சீசனில் இருந்த மாதிரி ஸ்ட்ரிக்டா இருங்க என ரசிகர்கள் உத்தரவு!

பிக் பாஸ் 6 வருது

பிக் பாஸ் தமிழ் முதல் சீசனில் இருந்து 5வது சீசன் மற்றும் பிக் பாஸ் அல்டிமேட் என அனைத்தையும் பிக் பாஸ் ரசிகர்கள் பார்த்து வருகின்றனர். மேலும், ஒவ்வொரு சீசன் போட்டியாளர்களுக்கும் ஓட்டுக்களை போட்டு அவர்களை வெற்றியாளர்களாக மாற்றி வருகின்றனர். விரைவில் வரவுள்ள பிக் பாஸ் சீசன் 6க்காக ரசிகர்கள் மிகுந்த ஆவலுடன் காத்திருக்கின்றனர்.

இந்த முறை பப்ளிக்

ஏற்கனவே பிக் பாஸ் முதல் சீசனிலேயே ஜூலி பப்ளிக்காகவே பிக் பாஸ் நிகழ்ச்சியில் பங்கேற்று இருந்தார். மேலும், எந்தவொரு பிரபலமும் இல்லாத மாடல் நடிகர்கள் பிக் பாஸ் நிகழ்ச்சியில் கலந்து கொண்டு ஹீரோ, ஹீரோயின்களாக வெளியேறி உள்ளனர். இந்நிலையில், இந்த முறை பொது மக்கள் பலருக்கும் பிக் பாஸ் நிகழ்ச்சியில் பங்கேற்கும் வாய்ப்பு அளித்து அதில் இருந்து ஒருத்தரை பிக் பாஸ் வீட்டுக்குள் அனுப்ப ஏற்பாடு செய்யப்பட்டுள்ளது. மதுரையை சேர்ந்த இளைஞர் ஒருவர் தேர்வாகி உள்ளார் என்றும் தகவல்கள் லீக்காகி உள்ளன.

பிக் பாஸ் குரல்

கமல்ஹாசனை போலவே கடந்த 5 சீசன்களாக பிக் பாஸ் நிகச்சியில் இருப்பவர் சதீஷ் சாரதி தான். தனது இன்ஸ்டாகிராம் பக்கத்தில் கடற்கரையில் காற்று வாங்கும் தனது புதிய போட்டோக்களை அவர் வெளியிட, நடிகையும் முன்னாள் பிக் பாஸ் போட்டியாளருமான ஷெரின் உள்ளிட்ட பிரபலங்கள் அந்த புகைப்படங்களை லைக் செய்துள்ளனர்.

ஸ்ட்ரிக்ட்டா இருங்க

முதல் சீசனில் போட்டியாளர்களிடம் கடுமையை காட்டியது போல அடுத்தடுத்த சீசன்களில் சதீஷ் சாரதி ஸ்ட்ரிக்ட்டா இல்லை என்கிற குற்றச்சாட்டு இவர் மீதும் ரச்கர்கள் வைத்து வருகின்றனர். இந்நிலையில் அவரது போஸ்ட்டுக்கு கீழ் ஏகப்பட்ட ரசிகர்கள் இந்த சீசனில் முதல் சீசனை போல ஸ்ட்ரிக்ட்டா இருங்க, லவ் ஜோடியை பிரிச்சு விடுங்க என கமெண்ட் பக்கத்தில் கோரிக்கை வைத்து வருகின்றனர். வரும் அக்டோபர் 2ம் தேதி முதல் சதீஷ் சாரதியும் பிசியாகி விடுவார்.