அதிமுகவில் உச்ச பதவியை கைப்பற்றுவதில்
, இபிஎஸ்ஸுக்கு இடையே நடைபெறும் மோதலால் தொண்டர்கள் எந்த பக்கம் செல்வது என தெரியாமல் திணறிவருகின்றனர். அதிமுக இடைக்கால பொதுச்செயலாளராக செயல்பட நீதிமன்றம் மூலம் க்ரீன் சிக்னல் பெற்ற எடப்பாடி பழனிசாமி ரேஸில் முந்தும் நிலையில் அடுத்து என்ன செய்வது என்பது குறித்து சட்ட ரீதியான ஆலோசனைகளை தொடர்ந்து மேற்கொண்டு வருகிறார் ஓ.பன்னீர் செல்வம்.
சசிகலா தரப்புடன் ஓபிஎஸ் தரப்பு தொடர்ந்து மறைமுக பேச்சுவார்த்தையில் உள்ளது என்பது இரு பக்கங்களிலிருந்து வரும் தகவல்கள் உறுதிபடுத்துகின்றன. அண்மையில் கூட ஓபிஎஸ் ஆதரவாளர் வைத்திலிங்கமும், சசிகலாவும் சந்தித்து பேசினர். அரசியல் ரீதியாக எடப்பாடிக்கு நெருக்கடி கொடுக்க சசிகலாவும், ஓபிஎஸ்ஸும் முயன்று வந்தாலும் சட்டரீதியான நடவடிக்கைகள் மூலமாக எப்படி முட்டுக்கட்டை போடுவது என்பது குறித்து தீவிர ஆலோசனை மேற்கொண்டு வருகின்றனர்.
இந்நிலையில் நேற்று இரவு ஓ.பன்னீர் செல்வம் தனது ஆதரவாளர்களான வைத்திலிங்கம், மனோஜ் பாண்டியன், ஜேசிடி பிரபாகர், கு.ப.கிருஷ்ணன் உள்ளிட்டோருடன் சென்று பண்ட்ருட்டி ராமச்சந்திரனிடம் ஆலோசனை நடத்தினார்.
அதிமுக உட்கட்சி மோதல் வெடித்த சமயம் ஜூன் 17ஆம் தேதி ஓபிஎஸ் பண்ட்ருட்டி ராமச்சந்திரனை சந்தித்துப் பேசினார். சமீபத்தில் சசிகலாவும் அவரை அவரது இல்லத்தில் சந்தித்து பேசியிருந்தார்.
எம்ஜிஆர் காலம் முதல் அதிமுகவில் இருந்து வரும் பன்ருட்டி ராமச்சந்திரன் பல்வேறு இக்கட்டான நேரத்திலும் கட்சி தலைமைக்கு ஆலோசனைகள் வழங்கியுள்ளார்.
எனவே ஓபிஎஸ், சசிகலா இருவரும் மாறி மாறி அவரை சந்தித்து ஆலோசனை செய்வதுடன் அவரது அறிவுரைகளை கேட்டுக்கொள்கின்றனர்.
நேற்று பன்ருட்டி ராமச்சந்திரனை சந்தித்து வந்த பின்னர் செய்தியாளர்களிடம் பேசிய ஓபிஎஸ், “அதிமுகவின் மூத்த முன்னோடி, எம்ஜிஆர் காலத்திலும், ஜெயலலிதா காலத்திலும் இயக்கத்திற்காக அரும்பாடுபட்டவர் என்ற அடிப்படையில் மரியாதை நிமித்தமாக பண்ருட்டி ராமச்சந்திரனை நாங்கள் சந்தித்தோம்.
நாங்கள் முழுமையாக நம்புவது அதிமுகவின் அடிப்படை தொண்டர்களையே. அடிப்படைத் தொண்டர்கள் என்ன மனநிலையில் இருக்கிறார்களோ, இந்த இயக்கம் இருக்க வேண்டும் என்று எண்ணுகிறார்களோ அந்த வழியில்தான் எங்களுடைய அரசியல் பயணம் இருக்கும் என்பதை தெரிவித்துக் கொள்கிறேன்.
எங்களைப் பொறுத்தவரை எங்களுடைய சந்திப்பு மரியாதை நிமித்தமான சந்திப்பாக தான் கருதுகிறேன். எம்ஜிஆர் உருவாக்கிய இந்த இயக்கம் அனைவரும் ஒன்றுபட்டு இயங்க வேண்டும் என்பதுதான் எங்களுடைய இதயப்பூர்வமான ஏற்பாடு. பொறுத்திருந்து பாருங்கள் எல்லாம் நன்மையாக முடியும். உங்களிடம் சொல்லிவிட்டு தான் செல்வோம்” என்று கூறினார்.