க.பொ.த உயர்தரப் பரீட்சைப் பெறுபேறுகளை மீள் ஆய்வு செய்வதற்கான விண்ணப்பம் கோரல்
இறுதியாக வெளியான 2021 கல்விப் பொதுத் தராதரப் பத்திர உயர் தரப் பரீட்சைப் பெறுபேறுகளை மீள் ஆய்வு செய்வதற்கான விண்ணப்பங்கள் தற்போது ஏற்றுக்கொள்ளப்படுகின்றன.
நேற்று (15) ஆரம்பமான இந்த நடவடிக்கை இம்மாதம் 28ஆம் திகதி வரை இடம்பெறும் என்று பரீட்சைகள் திணைக்களம் தெரிவித்துள்ளது. விண்ணப்பப் படிவங்கள் நிகழ்நிலை (online) மூலமாக மாத்திரமே ஏற்றுக்கொள்ளப்படும் எனவும் திணைக்களம் அறிவித்துள்ளது.
அதற்காக www.doenets.lk எனும் பரீட்சைகள் திணைக்களத்தின் உத்தியோகபூர்வ இணையத்தளத்தில் பிரவேசித்து விண்ணப்பங்களை அனுப்புமாறும் திணைக்களம் கேட்டுக்கொண்டுள்ளது.
DoE என்ற பரீட்சைகள் திணைக்களத்தின் கையடக்கத் தொலைபேசி செயலி ஊடாக அல்லது
www.onlineexams.gove.lk மூலமாக பெறுபேறு மீள் ஆய்வுசெய்வதற்காக விண்ணப்பிக்குமாறு பரீட்சைகள் திணைக்களம் தெரிவித்துள்ளது.
மேலதிக விபரங்களை 011 2785 231,011 2785 216,011 2784 037 என்ற தொலைபேசி இலக்கங்களுடாக தொடர்புகொண்டு அல்லது 1911 என்ற பரீட்சைகள் திணைக்களத்தின் துரித தொலைபேசி இலக்கத்தின் ஊடாக அறிந்துகொள்ள முடியும் என பரீட்சைகள் திணைக்களம் மேலும் தெரிவித்துள்ளது.