திண்டுக்கல் மாவட்டம், ஒட்டன்சத்திரம் தமிழகத்தில் மிகப்பெரிய காய்கறி சந்தை கொண்ட பகுதி. மேற்கு தொடர்ச்சி மலை அடிவாரத்தில் உள்ள இந்த காய்கறி சந்தைக்கு கேரளா, கர்நாடகா மற்றும் தமிழகத்தில் பல்வேறு பகுதிகளில் இருந்து தினமும் ஆயிரக்கணக்கான வியாபாரிகள் மற்றும் பொதுமக்கள் வருகின்றனர். அதேபோல் தமிழகத்தில் மிகப்பெரிய மாட்டுச்சந்தை இங்குதான் உள்ளது.
பல்வேறு மாவட்டங்கள் மற்றும் மாநிலங்களைச் சேர்ந்த வியாபாரிகள் மற்றும் கூலித் தொழிலாளர்கள் ஒட்டன்சத்திரம் பகுதியில் தங்கியிருந்து தங்களது பகுதிக்கு காய்கறி கொண்டு செல்வதை தற்போது வாடிக்கையாக வைத்துள்ளனர்.
ஒட்டன்சத்திரம் பகுதியில் குடும்பத்துடன் தங்கி இருந்து பணி செய்யலாம் என்று வருபவர்களுக்கு தற்போது யாரும் வீடு தருவது கிடையாது. முதலில் அவர்கள் கேட்கப்படுவது எந்த ஜாதி? என்ன மதம்? அவைகளை சொன்னால் தான் வீடு தருகிறார்கள்.
காய்கறி வியாபாரி கடைகளை அடைத்ததால் காய்கறி சந்தை வெறிச்சோடி காணப்பட்டது!
அதிகளவு கிறிஸ்துவ மற்றும் இஸ்லாமிய தாழ்த்தப்பட்ட மக்கள் தங்களது வாழ்வாதாரத்தை தேடி ஒட்டன்சத்திரம் பகுதியில் வரும் பொழுது அவர்களுக்கு வீடு தருவதில்லை. அப்படி இருக்கும் நிலையில் வீடு கேட்டு சென்ற நபர் ஒருவரிடம் பெண் பேசிய வீடியோ இணையத்தில் அதிகம் பகிரப்பட்டு வருகிறது.
அந்த வீடியோவில் ஒருவர் தங்களது குடும்பத்துடன் தங்கி பணி செய்வதற்காக வாடகைக்கு வீடு கேட்கிறார். வீட்டின் உரிமையாளர் பெண் நீங்கள் எந்த ஜாதி? என நீங்கள் சொல்ல வேண்டும் காரணம் தாழ்த்தப்பட்ட ஜாதினர் எங்களது சாமிக்கு ஒத்து வராது. இதனால் நாங்கள் தாழ்த்தப்பட்ட ஜாதியினருக்கோ கிறிஸ்தவர்கள், இஸ்லாமியர்களுக்கு வீடு வழங்குவது இல்லை எனக் கூறுகிறார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அதற்கு வீடு கேட்டு வந்தவர் நான் ஆதிதிராவிட கிறிஸ்தவர் எனது மனைவி மலையாள எனது மகன் எந்த ஜாதி என தெரியவில்லை அப்படி இருக்கும் பொழுது நான் எந்த ஜாதியை சொல்வது என்று அந்தப் பெண்ணிடம் கேட்கிறார் அவர் மீண்டும் அதே பதிலை சொல்கிறார் எனது சாமிக்கு தாழ்த்தப்பட்டவர்கள் குடி வந்தால் ஒத்து வராது ஆகவே தாழ்த்தப்பட்டவர்கள் கிறிஸ்தவர்களுக்கு வீடு வழங்க முடியாது என கூறுகிறார்.
பெரியார் மண் சமூக நீதி என திராவிட கலாச்சாரம் எனக் கூறிவரும் நிலையில் தற்போது வரை ஜாதியை பாகுபாடு என்பது தொடர்ந்து நடைபெற்று வருகிறது இதற்கு யார் முற்றுப்புள்ளி வைப்பது ஜாதிகள் இல்லையடி பாப்பா என்று கூறிவிட்டு பாரதி சென்று விட்டார். அண்மையில் தென்காசியில் தாழ்த்தப்பட்ட சமூகத்தை சேர்ந்த பள்ளி சிறுவர்களுக்கு கடையில் தின்பண்டங்கள் இல்லை என்று கூறிய விவகாரம் பெரும் சர்ச்சையை ஏற்படுத்தியுள்ள நிலையில் தற்போது இந்த வீடியோ வெளிவந்துள்ளது குறிப்பிடத்தக்கது.