ஐதராபாத்: தென்னிந்திய மொழிகளுடன் இந்தியிலும் நடித்து வரும் தமன்னா, தற்போது ‘பப்ளி பவுன்சர்’ படத்தில் நடித்துள்ளார். இது வரும் 23ம் தேதி நேரடியாக டிஸ்னி பிளஸ் ஹாட்ஸ்டாரில் வெளியாகிறது. இந்நிலையில், தனது சமூக வலைத்தளங்களில் கிளாமர் போட்டோக்களை வெளியிட்டு வரும் தமன்னா, ‘பப்ளி பவுன்சர்’ படத்தின் புரமோஷன் நிகழ்ச்சி யில் பங்கேற்க ஐதராபாத்துக்கு வந்தார். அப்போது அவரை போட்டோ எடுக்க பத்திரிகையாளர்களும், போட்டோ கிராபர்களும் போஸ் கொடுக்கும் படி கேட்டனர்.
ஆனால், தமன்னாவின் பாதுகாவலர்கள் அவர்கள் கோரிக்கையை ஏற்க மறுத்துவிட்டனர். இதையடுத்து இருதரப்பினருக்கும் இடையே கடுமையான வாக்குவாதம் ஏற்பட்டது. ஒருகட்டத்தில் தமன்னாவின் பாதுகாவலர்கள் பத்திரிகையாளர்களை தாக்கியதாக கூறப்படுகிறது. அந்த போட்டோக்கள் சமூக வலைத்தளங்களில் வைரலானது. இச்சம்பவம் பரபரப்பு ஏற்படுத்தியுள்ள நிலையில், இதுவரை தமன்னா தரப்பில் இருந்து விளக்கம் கிடைக்கவில்லை.