கேரள மாநிலம் திருவனந்தபுரம் ஸ்ரீவரஹம்(Sreevaraham) பகுதியை சோ்ந்தவா் அனூப். ஆட்டோ ஓட்டுநரான இவா், கடன் பிரச்சனை காரணமாக மலேசியாவுக்கு சமையல் வேலைக்கு செல்ல திட்டமிட்டிருந்தார்.
இந்த நிலையில் நேற்று முன்தினம் கேரள அரசின் சார்பில் விற்பனை செய்யப்பட்ட ’ஓணம் பம்பர்’ லாட்டரி சீட்டை ரூ.500 கொடுத்து அனூப் வாங்கியிருந்தார்.
கேரள மாநில நிதியமைச்சர் கே.என்.பாலகோபால் முன்னிலையில் ஓணம் லாட்டரி சீட்டு பம்பர் குழுக்கல் நடைபெற்றது. அதில், ஆட்டோ ஓட்டுநர் அனூப் வாங்கிருந்த லாட்டாரி சீட்டு எண் டிஜே 750605 என்ற சீரியல் எண்ணுக்கு ரூ.25 கோடி ரூபாப் பம்பர் பரிசு விழுந்துள்ளது.
இந்தியாவில் குறையும் அரசால் செய்யப்படும் சுகாதார செலவுகள்!
இதனால் மலேசியாவுக்கு சமையல் வேலைக்கு செல்ல திட்டமிட்டிருந்த அனூப் சொந்த ஊரில் தொழில் தொடங்க திட்டமிட்டுள்ளார். ரூ.25 கோடியில் வருமான வரி பிடித்தம் போக ரூ.15 கோடியே 75 லட்சம் ரூபாய் அனூப்பிற்கு வழங்கப்படும் என அறிவிக்கப்பட்டுள்ளது.
லாட்டரி சீட்டு வாங்குவதற்கு முன்பு அனூப் வங்கி ஒன்றில் ரூ.3 லட்சம் கடன் கேட்டு விண்ணப்பித்திருந்த நிலையில் அந்த கடனுக்கான விண்ணப்பமும் ஏற்றுக்கொள்ளப்பட்டுள்ளதாகவும் ஆனால் அதனை வாங்க விரும்பவில்லை எனவும் அனூப் தெரிவித்துள்ளார்.