அரசு ஊழியர்களுக்கான தீபாவளி போனஸ் குறித்து இன்றைய அமைச்சரவைக் கூட்டத்தில் முடிவெடுக்கப்படும் என்று எதிர்பார்க்கப்படுகிறது.
பிரதமர் நரேந்திர மோடி தலைமையில் டெல்லியில் இன்று ஒன்றிய அமைச்சரவை கூட்டம் நடைபெற உள்ளது.
இந்த கூட்டத்தில் பல முக்கிய திட்டங்கள் குறித்து விவாதிக்கப்படும் என்றும் பல முக்கிய முடிவுகள் இறுது செய்யப்படலாம் என்றும் கூறப்படுகிறது.
மேலும் தீபாவளி போனஸ், ஒன்றிய அரசு ஊழியர்களின் அகவிலைப்படி உயர்வு குறித்து முடிவெடுக்கப்படலாம் என்று தகவல் வெளியாகியுள்ளது.நாட்டின் பல்வேறு திட்டங்களுக்கு அமைச்சரவை ஒப்புதல் அளிக்கும் என்று எதிர்பார்க்கப்டுகிறது
இந்த ஆண்டு தீபாவளி பண்டிகை அக்டோபர் 26ஆம் தேதி கொண்டாடப்பட உள்ளது. தீபாவளி என்றால் புத்தாடை, பட்டாசு, பலகாரங்கள் ஆகியவை உடனடி நினைவுக்கு வந்தாலும் அரசு ஊழியர்களுக்கு தீபாவளி என்றால் சட்டென நினைவுக்கு வருவது தீபாவளி போனஸ் தான். இந்நிலையில் ஒன்றிய அரசு ஊழியர்கள் போனஸ் குறித்த அறிவிப்பை எதிர்பார்த்து காத்துள்ளனர்.
இன்று நடைபெறும் அமைச்சரவைக் கூட்டத்தில் இது தொடர்பாக விவாதிக்கப்பட்டு முடிவு எடுக்கப்பட்டு அதிகாரபூர்வ அறிவிப்பு அடுத்த சில நாள்களில் வெளியாகும் என்று எதிர்பார்க்கப்படுகிறது.