துணைப் பொதுச்செயலாளரும், எம்.பி.யுமான ஆ.ராசா திராவிடர் கழக விழா ஒன்றில் பேசும் போது சூத்திரர்கள் என்பவர்கள் யார், மனுஸ்மிருதி அவர்களை எவ்வாறு இழிவுபடுத்துகிறது என்பதை விளக்கமாக எடுத்துரைத்தார். இந்த பேச்சை பாஜக மற்றும் இந்துத்துவ ஆதரவாளர்கள் சர்ச்சையாக்கினர்.
ராசாவுக்கு எதிராக போராட்டம் நடத்துவதும், காவல்துறையில் புகார் கொடுப்பதும் நடைபெறுகிறது.
ஆ.ராசா விவகாரம் குறித்து அதிமுக முன்னாள் அமைச்சர் ஆர்.பி.உதயகுமார் மதுரையில் இன்று செய்தியாளர்களை சந்தித்தார்.
அப்போது பேசிய அவர், திமுக எம்.பி ஆ.ராசாவின் பேச்சு மிகவும் அபத்தமாக உள்ளது. எந்தவொரு நூலிலும் பிறப்பால் பாகுபாடு உள்ளதாக கூறவில்லை. நாட்டிற்கு தேவையானவைகளை பேசாமல் ஆ.ராசா தேவையற்றவைகளை பேசி வருகிறார்.
ஆ.ராசாவின் பேச்சால் நாடு கொந்தளித்துள்ளது. ஆ.ராசா சர்ச்சைக்குரிய பேச்சு குறித்து மன்னிப்பு கேட்கவில்லை. ஆ.ராசாவின் கருத்து ஒட்டுமொத்த திமுகவின் கருத்தாக தான் பார்க்க வேண்டும். எல்லா மதங்களும் அறநெறியை மட்டுமே போதனை செய்கிறது.
முதலமைச்சர் மு.க.ஸ்டாலின் ஆ.ராசாவை கண்டிக்க வேண்டும். கண்டிக்கவில்லை என்றால் திமுகவினர் அதற்குரிய தண்டனை பெறுவார்கள்.
தமிழகத்தில் சொத்து வரி கட்ட வேண்டும் என்றால் சொத்தை விற்கும் நிலை உள்ளது. தமிழகம் முழுவதும் அதிகரித்து வரும் காய்ச்சல் பாதிப்பை கட்டுப்படுத்த தமிழக அரசு நடவடிக்கை எடுக்க வேண்டும்” என்று கூறினார்.