கண்ணில் கூலர்ஸ்.. புடவையோடு ஃபுட்பால்! மாஸ் காட்டிய மஹுவா மொய்த்ரா! என்ன அழகா ஃபுட்பால் ஆடுறாங்க!

வழக்கமான அரசியல்வாதிகள் போல் இல்லாமல் ட்விட்டர், இன்ஸ்டாகிராம் உள்ளிட்ட சமூக வலைதளங்களில் எப்போதும் ஆக்டிவாக இருக்கும் மஹுவா மொய்த்ராவுக்கு எப்போதுமே சமூக வலைதளங்களில் ரசிகர்கள் அதிகம். குறிப்பாக ட்விட்டரில் இவர் வெளியிடும் கருத்துக்கள் பலரையும் கவர்ந்திழுக்கும். நரேந்திர மோடி, ப.சிதம்பரம், உள்ளிட்டா பழுத்த அரசியல்வாதிகளை கூட ட்விட்டரில் சமரசமே இன்றி விமர்சித்து விடுவார்.

சமூக வலைதளங்களிலேயே இப்படி என்றால் நாடாளுமன்றத்தில் கேட்கவா வேண்டும். எதிர்கட்சியாக இருந்தாலும் கூட்டணி கட்சிகளாக இருந்தாலும் நாடாளுமன்றத்தில் இவர் பேசும் பேச்சுகளுக்கும், உரைகளுக்கும் தனி ரசிகர் பட்டாளமே உண்டு. நாடாளுமன்றத்தில் இவர் உரையாற்றுகிறார் என்றால் அன்றைய சமூக வலைதளங்களில் இவர் பேச்சு தான் முக்கிய டாபிக்காக இருக்கும். அந்த அளவுக்கு காரசார அரசியல் செய்யும் இவர், தற்போது சற்று ஓய்வெடுத்து புட்பால் விளையாண்டு இருக்கிறார்.

அதுவும் பாரம்பரியமான சேலை அணிந்து கால்பந்தாட்டமாடும் மஹுவா மொய்த்ராவின் புகைப்படங்கள் சமூக வலைதளங்களில் வேகமாக பரவி வருகிறது. தனது சொந்த தொகுதியான கிருஷ்ணா நகர் தொகுதியில் நடைபெற்ற கால்பந்து தொடரின் இறுதி போட்டியில் சிறப்பு விருந்தினராக பங்கேற்பதற்காக அவர் அழைக்கப்பட்டிருந்தார். முன்னதாக வீரர்கள் பயிற்சி செய்து கொண்டிருந்ததை பார்த்த மகுவா உற்சாகமாகி தானும் கால் பந்து மைதானத்தில் களமிறங்கி விளையாடினார்.

தற்போது அந்த புகைப்படங்களை மஹுவா ட்விட்டரில் வெளியிட பெரும் வரவேற்பு கிடைத்திருக்கிறது. குறிப்பாக புடவை அணிந்து அவர் புட்பால் விளையாடியது தான் ஹைலைட் என்கின்றனர் நெட்டிசன்கள். கண்ணை கவரும் புடவையில் கட் ஷு மற்றும் கூலிங் கிளாஸ் அணிந்து கால்பந்தாடும் மஹுவா மொய்த்ராவின் புகைப்படங்கள் மாஸாக உள்ளன என புகழ்ந்த தள்ளி வருகின்றனர் நெட்டிசன்கள். தற்போது வரை இந்த பதிவை சுமார் 20,000 பேர் லைக் செய்துள்ளதோடு, ஆயிரத்திற்கும் மேற்பட்டோர் ரீட்வீட் மற்றும் கமாண்ட் செய்துள்ளனர்.