ஆந்திர மாநிலம் திருப்பதி ஏழுமலையான் கோவிலில் ரூ.300 தரிசன டிக்கெட் மாதந்தோறும் ஆன்லைனில் வெளியிடப்படுகிறது. அதன்படி, நவம்பர் மாதத்திற்கான ரூ.300 தரிசனம் டிக்கெட்டுகள் இன்று ஆன்லைனில் வெளியிடப்படுகிறது.
திருப்பதி தேவஸ்தானம் வெளியிட்டுள்ள செய்திக்குறிப்பில் கூறியிருப்பதாவது:
“திருப்பதி ஏழுமலையானை எளிமையான முறையில் தரிசனம் செய்ய நவம்பர் மாதத்துக்கான ரூ.300 டிக்கெட்டுகள் இன்று (21.09.2022) காலை 9 மணியளவில் ஆன்லைனில் வெளியிடப்படுகிறது.
அதேபோல் கல்யாண உற்சவம், ஊஞ்சல் சேவை, சகஸ்ர தீபலங்கார சேவை, ஆர்ஜித சேவை உள்ளிட்ட டிக்கெட்டுகள் மாலை 3 மணியளவில் ஆன்லைனில் முன்பதிவு செய்யலாம். இந்த டிக்கெட்டுகள் முதலில் முன்பதிவு செய்வோருக்கு மட்டுமே முன்னுரிமை அடிப்படையில் வழங்கப்படும்.
ஆ.ராசா, பிடிஆர் பேச்சுகள் திமுகவின் காதுகளில் ஏன் விழுவதில்லை?
நவம்பர் மாதத்துக்கான ஆர்ஜித சேவை டிக்கெட்டுக்கான இ-குலுக்கல் முறை இன்று நடக்கிறது. அக்டோபர் மாதத்துக்கான அங்கப்பிரதட்சணம் டோக்கன்கள் 22-ஆம் தேதி காலை 9 மணியளவில் ஆன்லைனில் வெளியிடப்படுகிறது.
ஆனால், பிரம்மோற்சவம் நடைபெறும் தேதிகளில், அதாவது அக்டோபர் 1-ஆம் தேதியில் இருந்து 5-ஆம் தேதி வரை அங்கப்பிரதட்சணம் டோக்கன்கள் ஒதுக்கப்பட மாட்டாது. பக்தர்கள் இதைக் கவனத்தில் கொண்டு, அந்தந்த டிக்கெட்டுகளை முன்பதிவு செய்து குறிப்பிட்ட தேதியில் திருமலைக்கு வந்து ஏழுமலையானை தரிசனம் செய்யலாம்” இவ்வாறு கூறப்பட்டுள்ளது.