மணிரத்னம் இயக்கத்தில் பொன்னியின் செல்வன் திரைப்படம் செப்டம்பர் 30ஆம் தேதி ரிலீஸ் ஆகவிருக்கிறது. ஏ.ஆர். ரஹ்மான் இசையமைத்திருக்கும் இப்படத்தில் விக்ரம், ஐஸ்வர்யா ராய், த்ரிஷா, கார்த்தி, ஜெயராம், ஜெயம் ரவி, சரத்குமார், பார்த்திபன் என பலர் நடித்திருக்கின்றனர். மிகப்பெரிய எதிர்பார்ப்புடன் உருவாகியிருக்கும் இப்படத்துக்காக ரசிகர்கள் ஆவலோடு காத்திருக்கின்றனர். படம் வெளியாக இன்னும் சில நாள்களே இருப்பதால் படத்துக்கான ப்ரோமோஷன் பணிகள் வேகமெடுத்துள்ளன.
Witness the spirit of the Cholas in 8 days #PS1 in theatres from 30th September in Tamil, Hindi, Telugu, Malayalam, and Kannada!#PonniyinSelvan1 #ManiRatnam @arrahman @madrastalkies_ @LycaProductions @Tipsofficial @tipsmusicsouth pic.twitter.com/7ksemq3BkL
— Lyca Productions (@LycaProductions) September 22, 2022
இதற்காக படக்குழு பல்வேறு நகரங்களுக்கு சென்று செய்தியாளர்களை சந்தித்துவருகிறது. இதற்கிடையே பொன்னியின் செல்வன் இரண்டு பாகங்களாக உருவாகியிருப்பதால் படத்தின் அடுத்த பாகம் எப்போது வெளியாகுமென்று ரசிகர்கள் மத்தியில் கேள்வி எழுந்துள்ளது.
Thank You once again TRIVANDRUM!
You were amazingBENGALURU here we come…
See you today at Orion Mall, Rajaji Nagar #PS1 #PonniyinSelvan1 #ManiRatnam @arrahman @madrastalkies_ @LycaProductions @Tipsofficial @GokulamGopalan @jsujithnair @pro_sabari pic.twitter.com/GEqMguzrHm— Lyca Productions (@LycaProductions) September 22, 2022
இந்நிலையில் மணிரத்னம் சமீபத்தில் அளித்த பேட்டி ஒன்றில், “பொன்னியின் செல்வன் இரண்டாம் பாகத்துக்கான ஷூட்டிங்கும் முடிந்துவிட்டது.ஆனால் இன்னும் அவ்வளவு வேலைகள் இருக்கின்றன. வேலைகள் முடிவதற்கு 9 மாதங்கள் ஆகலாம். படத்தின் இரண்டாம் பாகம் அடுத்த வருடம் மே அல்லது ஜூன் மாதத்தில் வெளியாகும்” என்றார்.