படப்பிடிப்புக்கு முன்பே வருமானத்தை ஈர்க்கும் 'கேப்டன் மில்லர்'
சத்யஜோதி பிலிம்ஸ் தயாரிப்பில் அருண் மாதேஸ்வரன் இயக்கத்தில் தனுஷ் நடிக்கும் திரைப்படம் கேப்டன் மில்லர். ஜிவி பிரகாஷ் குமார் இசையமைக்கிறார். இப்படத்தின் படப்பிடிப்பு வருகின்ற 28 ஆம் தேதி முதல் தென்காசியில் நடைபெற இருக்கிறது. தனுஷிற்கு ஜோடியாக பிரியங்கா மோகன் நடிக்கிறார். மேலும் தெலுங்கு நடிகர் சுந்தீப் கிஷான், நிவேதா சதீஷ் உள்ளிட்டோர் முக்கிய கதாபாத்திரத்தில் நடிக்கவிருப்பதாக அறிவிப்பு வெளியானது. இந்த படத்தின் பூஜை சமீபத்தில் சென்னை ஏவிஎம் ஸ்டுடியோவில் பிரமாண்டமாக நடைபெற்றது .
இந்நிலையில் படப்பிடிப்பு தொடங்கப்படாத இப்படத்தின் ஓடிடி உரிமையை அதற்குள் அமேசான் நிறுவனம் கைப்பற்றியுள்ளதாம். சுமார் ரூ.38 கோடிக்கு விலைபோய் உள்ளதாக தகவல் வெளியாகி உள்ளது.