திருப்பதியில் 'இந்தியன் 2' படப்பிடிப்பு : ஏழுமலையானை தரிசித்த காஜல்
ஷங்கர் இயக்கத்தில், அனிருத் இசையமைப்பில், கமல்ஹாசன், காஜல் அகர்வால் மற்றும் பலர் நடிக்கும் 'இந்தியன் 2' படப்பிடிப்பு இரண்டு வருட இடைவெளிக்குப் பிறகு தற்போது ஆரம்பமாகி உள்ளது. கடந்த வாரம் சென்னையில் நடந்த படப்பிடிப்பில் கமல்ஹாசன், காஜல் அகர்வால் உள்ளிட்டோர் கலந்து கொண்டனர்.
அடுத்து இப்போது திருப்பதியில் இப்படத்தின் படப்பிடிப்பு நடந்து வருகிறது. அது பற்றிய தகவலை படத்தின் கதாநாயகியான காஜல் அகர்வால் வெளியிட்டுள்ளார். நேற்று கணவருடன் திருப்பதியில் வெங்கடாஜலபதியை தரிசனம் செய்யச் சென்றிருந்தார் காஜல். அப்போது செய்தியாளர்களிடம் பேசுகையில், “கணவருடன் சேர்ந்து முதல் முறையாக திருப்பதி வந்துள்ளேன். மிகவும் மகிழ்ச்சியாக உள்ளது. இந்தியன் 2 படப்பிடிப்பிற்காக திருப்பதிக்கு வந்திருக்கிறேன்,” என்று தெரிவித்தார்.
அவருடன் செல்பி எடுக்க சில ரசிகர்கள் ஆசைப்பட்டனர். அவர்களுடன் பொறுமையாக புகைப்படம் எடுத்துக் கொண்டார் காஜல்.