இந்தியாவில் 118 நாட்களுக்கு பின் கொரோனா பாதிப்பு குறைந்துள்ளது.
இந்தியாவில் தினசரி கொரோனா பாதிப்பு தொடர்பான விபரத்தை மத்திய சுகாதாரத்துறை அமைச்சு (27) நேற்று வெளியிட்டது.
இதன்படி, இந்தியாவில் கடந்த 24 மணி நேரத்தில் 3 ஆயிரத்து 230 பேருக்கு கொரோனா தொற்று உறுதி செய்யப்பட்டுள்ளது. இது கடந்த 118 நாட்களில் பதிவான மிகக்குறைவான தினசரி கொரோனா பாதிப்பாகும்.
இதனால், நாட்டில் இதுவரை கொரோனாவால் பாதிக்கப்பட்டவர்களின் மொத்த எண்ணிக்கை 4 கோடியே 45 இலட்சத்து 75 ஆயிரத்து 473 ஆக அதிகரித்துள்ளது. கொரோனா பாதிப்பில் இருந்து இதுவரை 4 கோடியே 40 இலட்சத்து 4 ஆயிரத்து 553 பேர் குணமடைந்துள்ளனர். இந்தியா முழுவதும் வைரஸ் பாதிக்கப்பட்டவர்களில் 37 ஆயிரத்து 213 பேர் சிகிச்சை பெற்று வருகின்றனர்.
இருப்பினும், கொரோனா தாக்குதலுக்கு கடந்த 24 மணி நேரத்தில் 32 பேர் உயிரிழந்துள்ளனர். இதனால் உயிரிழந்தோர் மொத்த எண்ணிக்கை 5 இலட்சத்து 28 ஆயிரத்து 562 ஆக அதிகரித்துள்ளது.
இதேவேளை நாடு முழுவதும் இதுவரை 217 கோடியே 82 இலட்சத்து 43 ஆயிரத்து 967 தடுப்பூசி டோஸ்கள் மக்களுக்கு செலுத்தப்பட்டுள்ளதாக மத்திய சுகாதாரத்துறை அமைச்சு தெரிவித்துள்ளது.