பாணியிலேயே அவருக்கு பதிலடி கொடுக்க காய் நகர்த்தி வருவதாக தகவல் வெளியாகி உள்ளது.
அதிமுக இடைக்காலப் பொதுச் செயலாளராக, கடந்த ஜூலை மாதம் 11 ஆம் தேதி, சென்னையை அடுத்த வானகரத்தில் உள்ள தனியார் திருமண மண்டபத்தில் நடைபெற்ற பொதுக்குழுக் கூட்டத்தில், பொதுக்குழு உறுப்பினர்கள் மூலம்
தேர்வு செய்யப்பட்டார்.
இதற்கு கடும் எதிர்ப்புத் தெரிவித்த ஓ.பன்னீர்செல்வம் மற்றும் அவரது ஆதரவாளர்கள் கட்சியில் இருந்து நீக்கப்பட்டனர். இதனால் கடும் அதிருப்தி அடைந்த ஓ.பன்னீர்செல்வம், எடப்பாடி பழனிசாமிக்கு எதிராக, நீதிமன்றம், தேர்தல் ஆணையம் ஆகியவற்றில் முறையீடு செய்துள்ளார்.
எனினும், இதுவரை நடைபெற்ற சட்டப் போராட்டங்களில், எடப்பாடி பழனிசாமியின் கையே ஓங்கி இருக்கிறது. அதிமுக ஒற்றைத் தலைமை விவகாரத்தில், இந்தியத் தலைமை தேர்தல் ஆணையம் என்ன முடிவு எடுக்கப் போகிறது என்பது மிகப்பெரிய எதிர்பார்ப்பாக உள்ளது. இரு தரப்பினரும் தேர்தல் ஆணையத்தின் முடிவுக்காக காத்திருக்கின்றனர்.
இதற்கிடையே, கடந்த சில நாட்களுக்கு முன்பு, எடப்பாடி பழனிசாமியை ஒற்றைத் தலைமையாக ஏற்கிறோம் என பொதுக்குழு உறுப்பினர்களின் கையெழுத்து அடங்கிய பிரமாணப் பத்திரங்களை, தேர்தல் ஆணையத்தில், எடப்பாடி பழனிசாமி தரப்பு சமர்ப்பித்தது. இது, எடப்பாடி பழனிசாமிக்கு மேலும் பலத்தை அதிகப்படுத்தி உள்ளது.
இந்நிலையில், எடப்பாடி பழனிசாமி பாணியிலேயே, தேர்தல் ஆணையம் மூலம் அவருக்கு நெருக்கடி கொடுக்க, ஓ.பன்னீர்செல்வம் தரப்பினர் திட்டமிட்டு உள்ள தகவல் வெளியாகி உள்ளது. அதாவது, எடப்பாடி பழனிசாமி தரப்பு பொதுக்குழு உறுப்பினர்களிடம் கையெழுத்து வாங்கியது போல், தொண்டர்களிடம் கையெழுத்து வாங்கி அதை பிரமாணப் பத்திரமாக தாக்கல் செய்ய ஓ.பன்னீர்செல்வம் தரப்பினர் முடிவு செய்துள்ளனர்.
இதற்கானப் பணி தேனி உள்ளிட்ட மாவட்டங்களில் தொடங்கி நடைபெற்று வருவதாகவும், விரைவில், ஓ.பன்னீர்செல்வத்திடம் ஒட்டு மொத்த பிரமாணப் பத்திரங்கள் சமர்ப்பிக்கப்பட உள்ளதாகவும் கூறப்படுகிறது.
இதற்கிடையே, தலைநகர் டெல்லிக்கு ஓ.பன்னீர்செல்வம் விரைவில் சுற்றுப்பயணம் மேற்கொள்ள உள்ளதாகவும், அப்போது, இந்தியத் தலைமைத் தேர்தல் ஆணையத்தில் பிரமாணப் பத்திரங்களை தாக்கல் செய்ய உள்ளதாகவும் கூறப்படுகிறது. இந்த விவகாரம் எடப்பாடி பழனிசாமி ஆதரவாளர்களிடையே கலக்கத்தை ஏற்படுத்தி உள்ளது.