அக்டோபர் 6 ஆம் தேதி கூகுள் நிறுவனத்திற்கு மிகவும் முக்கியமான நாள். ஏனென்றால் இந்த நாளில் கூகுள் நிறுவனம் அதன் புதிய Google Pixel 7 மற்றும் புதிய கூகுள் கேட்ஜெட்களை அறிமுகம் செய்யதிட்டமிட்டுள்ளது.
இதுவரை இந்த போன் பற்றிய விவரங்கள் அவ்வளவாக வெளியிடப்படாமல் இருந்தாலும் இந்த போனில் கூகுள் நிறுவனத்தின் தனித்துவமான Tensor G2 Soc சிப் பயன்படுத்தப்படும் என்று தெரிகிறது. இதன் டிசைன் ஏற்கனவே வெளியிடப்பட்டுள்ளது.
இந்த ஸ்மார்ட்போன் விலை கூகுள் பிக்சல் 6 சீரிஸ் போனின் அதே ஆரம்பவிலையில் இருக்கும் என்று எதிர்பார்க்கப்படுகிறது. இதன் விலை இந்திய ரூபாய் மதிப்பில் 50 ஆயிரம் ரூபாய் இருக்கும் என்று எதிர்பார்க்கப்படுகிறது.
இதன் Google Pixel 7 Pro மாடல் 75 ஆயிரம் ரூபாய் விலையில் விற்பனை செய்யப்படும் என்று எதிர்பார்க்கப்படுகிறது. இந்த ஸ்மார்ட்போன்கள் முதலில் அமெரிக்காவில் வெளியாகி பின்னர் இந்தியாவில் வெளியாகும் என்று எதிர்பார்க்கப்படுகிறது.
இந்த Google Pixel 7 போனில் ஒரு 6.3 இன்ச் full-HD+ OLED டிஸ்பிலே வசதி, 90HZ Refresh Rate, 50MP Primary கேமரா மற்றும் 12 MP அல்ட்ரா வைட் கேமரா வசதி இடம்பெறும் என்று எதிர்பார்க்கப்படுகிறது.
இதன் மற்றொரு டாப் வேரியண்ட் போன் Google Pixel 7 Pro 6.7 இன்ச் டிஸ்பிலே, 120HZ refresh Rate, பின்பக்க ட்ரிபிள் கேமரா வசதியாக 48MP main கேமரா கொண்டிருக்கும் என்று தெரிகிறது.
இதைத்தவிர கூகுள் நிறுவனம் அதன் Pixel ஸ்மார்ட் வாட்ச் ஒன்றையும் அறிமுகம் செய்யவுள்ளது. இவை இரண்டும் ஆப்பிள் நிறுவனத்தின் ஐபோன் 14 Pro மற்றும் ஜவாட்ச் ஆகியவற்றிற்கு போட்டியாக வெளியாகும். கூகுள் நிறுவனம் இந்த இரு பொருட்களை தவிர அதன் வருங்கால திட்டங்கள் பற்றியும் இந்த நிகழ்ச்சியில் தெரிவிக்கவுள்ளது. இந்த நிகழ்ச்சி அக்டோபர் 6 அன்று நடைபெறவுள்ளது.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்
Google-Pixel-7 விவரங்கள்முழு அம்சங்கள்