மழைக்கு வீடு இடிந்து 4 குழந்தைகள் பலி

ஜெய்பூர், ராஜஸ்தானில் நேற்று முன்தினம் இரவு பெய்த கன மழையில் வீடு இடிந்து விழுந்ததில், துாங்கிக் கொண்டிருந்த நான்கு குழந்தைகள் பலியாகினர்; தாயும், மற்றொரு குழந்தையும் பலத்த காயமடைந்தனர்.ராஜஸ்தானில், முதல்வர் அசோக் கெலாட் தலைமையில் காங்., ஆட்சி நடக்கிறது. இங்கு, தோல்பூர் மாவட்டத்தின் மனியா நகரில் நேற்று முன்தினம் இரவு பெய்த மழையில், ஒரு பழைய வீடு இடிந்து விழுந்தது. அப்போது, அந்த வீட்டில் துாங்கிக் கொண்டிருந்த தாய் மற்றும் அவரது ஐந்து குழந்தைகளும் இடிபாடுகளில் சிக்கினர்.இந்த விபத்தில், ௨ முதல் ௫ வயது வரையிலான மூன்று பெண் குழந்தைகள் மற்றும் நான்கு மாதமேயான ஆண் குழந்தை என நான்கு குழந்தைகள் சம்பவ இடத்தில் இறந்தன. தாய் மற்றும் ஒரு சிறுமி பலத்த காயமடைந்தனர். இவர்கள் இருவரும் மருத்துவமனையில் சிகிச்சை பெற்று வருகின்றனர். சம்பவம் நடந்த நேரத்தில் குழந்தைகளின் தந்தை இல்லாததால், அவர் உயிர் தப்பினார்.

ஜெய்பூர், ராஜஸ்தானில் நேற்று முன்தினம் இரவு பெய்த கன மழையில் வீடு இடிந்து விழுந்ததில், துாங்கிக் கொண்டிருந்த நான்கு குழந்தைகள் பலியாகினர்; தாயும், மற்றொரு குழந்தையும் பலத்த