வருகிறது விஜய் டக்கர் : புதிய சேனல் துவக்கம்
தமிழில் முன்னணி சேனலாக இருக்கும் ஸ்டார் விஜய் சேனல் தற்பேது விஜய் டக்கர் என்ற புதிய சேனலை துவக்குகிறது. இது குறித்து ஸ்டார் விஜய் சேனல் விடுத்துள்ள செய்தி குறிப்பில் கூறப்பட்டுள்ளதாவது:
இந்த சேனல் இன்றைய இளைஞர்களுக்கான ஒரு பொழுது போக்கு பிராண்டாக இருக்கும். பொழுதுபோக்கு துறையில் டிரெண்ட்செட்டராக செயல்படும் சேனலாக இது இருக்கும்.நான் பிக்சன் வகையில், திரைப்படங்கள் மற்றும் இசை என இளைஞர்களுக்கான முழுக்கலவையாவும், இன்றைய இளைஞர்களின் வாழ்வை பிரதிபலிக்கும் வகையில், தினமும் தொடர்ச்சியாக பல்வேறு பொழுதுபோக்கு நிகழ்ச்சிகளைக் கொண்டதாகவும் இந்த சேனல் இருக்கும்.
இசை மற்றும் திரைப்படங்களையும் இந்த சேனல் கொண்டிருக்கும். கற்பனை செய்து பார்க்க முடியாத வேடிக்கை மற்றும் பொழுதுபோக்குடன் பார்வையாளர்களுக்கு பலவகை நிகழ்ச்சிகளை வழங்கும். இந்த சேனலின் நிகழ்ச்சிகள் பார்வையாளர்களுடன் உரையாடும் வகையில் அமைக்கப்பட்டுள்ளது. இளைஞர்களின் இதயங்களை நிச்சயமாகக் கைப்பற்றும் அற்புதமான புதுமையான நிகழ்ச்சிகளின் தொகுப்பாக இது இருக்கும்.
இவ்வாறு அந்த செய்தி குறிப்பில் தெரிவிக்கப்பட்டுள்ளது.