அதிமுக பொதுச் செயலாளருக்கான தேர்தல் நடத்தும் எண்ணம் இல்லை என்று சி.வி.சண்முகம் கூறியுள்ளார்.
அதிமுக பொதுக்குழு தொடர்பான வழக்கில் ஓ.பன்னீர் செல்வம் செய்த மேல்முறையீட்டு மனு மீதான விசாரண இன்று உச்ச நீதிமன்றத்தில் நடைபெற்றது.
அதிமுக பொதுக்குழு தொடர்பான வழக்கு விசாரணை மற்றும் இது தொடர்பான வழக்குகளின் விசாரணைகளை சேர்த்து தசரா விடுமுறைக்கு பிறகு விசாரிக்கலாம் என்று நீதிபதிகள் கூறினர்.
அதற்கு ஓபிஎஸ் தரப்போ,
தரப்பு பொதுச் செயலாளர் தேர்தல் நடத்த முடிவெடுத்துள்ளார்கள். எனவே தேர்தல் நடத்த தடை விதிக்க வேண்டும் என்று கேட்டார்கள்.
அதற்கு நீதிபதிகள் எடப்பாடி பழனிசாமி தரப்பிடம், நீங்கள் தானே இப்போது பொறுப்பில் இருக்கிறீர்கள், பிறகு ஏன் அவசர அவசராமாக தேர்தல் நடத்த முயல்கிறீர்கள் என்று கேள்வி எழுப்பினர்.
பொதுச் செயலாளர் தேர்தல் நடத்த தடை விதித்ததாகவும் தகவல் வெளியானது.
இது தொடர்பாக அதிமுக முன்னாள் சட்டத் துறை அமைச்சர் சி.வி.சண்முகம் செய்தியாளர்களைச் சந்தித்தார். அப்போது பேசிய அவர், “அதிமுக பொதுச் செயலாளருக்கான தேர்தல் நடத்துவதற்கான அறிவிப்பை நாங்கள் வெளியிடவில்லை. அதற்கான முயற்சியிலும் நாங்கள் இறங்கவில்லை. அதிமுக பொதுக்குழு தொடர்பான வழக்குகள் நிலுவையில் இருக்கின்ற போது எப்படி பொதுச் செயலாளர் தேர்தல் நடத்துவோம்? நாங்களே தேர்தல் நடத்த வேண்டாம் என்ற முடிவில் தான் இருக்கிறோம். உச்ச நீதிமன்றம் பொதுச் செயலாளர் தேர்தல் நடத்த தடை எதுவும் விதிக்கவில்லை. வழக்குகள் முடிவடையும் வரை பொதுச் செயலாளர் தேர்தல் நடத்தப்படாது. இதுவே எங்கள் நிலைப்பாடு” என்று கூறியுள்ளார்.