சென்னை: துணைத்தேர்வு எழுதி 12ம்வகுப்பு தேர்ச்சி பெற்றவர்கள், நடப்பு கல்வியாண்டிலேயே கல்லூரிகளில் சேரலாம் என உயர்கல்வித்துறை அமைச்சர் பொன்முடி கூறினார். மேலும், ஓ.சி. பேருந்து கட்டணம் பற்றி விளையாட்டாக பேசியதை இவ்வளவு பெரிதுபடுத்திருக்க வேண்டிய தில்லை என்று தெரிவித்தார்.
‘சென்னையில் இன்று செய்தியாளர் சந்திப்பில் பேசிய உயர்கல்வித்துறை அமைச்சர் பொன்முடி, ஓ.சி. பேருந்து கட்டணம் பற்றி விளையாட்டாக பேசியதை இவ்வளவு பெரிதுபடுத்த வேண்டியதில்லை என விளக்கம் கொடுத்ததுடன், 12- ஆம் துணைத்தேர்வு எழுதி தேர்ச்சி பெற்ற மாண வர்கள், நடப்பு கல்வியாண்டிலேயே கல்லூரிகளில் சேரலாம் எனவும் தெரிவித்தார்.
தொடர்ந்து பேசியவர்,. பொறியியல் மாணவர் சேர்க்கைக்கான இரண்டாம் சுற்று கலந்தாய்வு நிறைவு பெற்றுள்ளது. வரும் 13ம் தேதி 3-வது கட்ட மாணவர் சேர்க்கைக்கான கலந்தாய்வு தொடங்கவுள்ளது. பி.ஆர்க் மாணவர் சேர்க்கைக்கான தரவரிசை பட்டியல் அக்டோபர் 5ம் தேதி வெளியிடப்படும் என அறிவித்தார். மேலும், 8ம் தேதி கலந்தாய்வு ஒரே கட்டமாக நடைபெறும். 4 கட்ட கலந்தாய்வு நிறைவு பெற்றதும் அக்டோபர் இறுதியில் முதலாமாண்டு பொறியியல் மாணவர்களுக்கு வகுப்புகள் தொடங்கும் என்றார்.