சிவாஜி கணேசனின் சிலைக்கு முதல்வர் ஸ்டாலின் மரியாதை
நடிகர் சிவாஜி கணேசனின் 95வது பிறந்தநாள் இன்று கொண்டாடப்படுகிறது. இதையொட்டி தமிழக அரசு சார்பில், சென்னை அடையாறில் உள்ள சிவாஜி மணி மண்டபத்தில் உள்ள அவரது சிலைக்கும், உருவ படத்திற்கும் முதல்வர் ஸ்டாலின் மலர் தூவி மரியாதை செலுத்தினார். அவருடன் துரை முருகன், வேலு உள்ளிட்ட அமைச்சர்களும், ராம்குமார், பிரபு, விக்ரம் பிரபு உள்ளிட்ட சிவாஜி குடும்பத்தினரும் பங்கேற்று அஞ்சலி செலுத்தினர்.
நடிகர் சங்க வளாகத்திலும் சிவாஜிக்கு மரியாதை செலுத்தப்பட்டது. அவரது உருவ படத்திற்கு நடிகர் சங்க தலைவர் நாசர், துணைத் தலைவர் பூச்சி முருகன், பொருளாளர் கார்த்தி மற்றும் நிர்வாகிகள் ராஜேஷ், அஜய் ரத்தினம், எம்ஏ.பிரகாஷ் மற்றும் நடிகர் சங்க மேலாளர் தாமராஜ் உள்ளிட்டோர் மரியாதை செலுத்தினார்கள்.