தமிழக பள்ளிக் கல்வித்துறையின் கீழ் பணியாற்றி வரும் 98 மாவட்டக் கல்வி அலுவலர்கள், மூன்று இணை இயக்குநர்கள் திடீரென பணியிட மாற்றம் செய்யப்பட்டுள்ளனர்.
இதுகுறித்து, தமிழக பள்ளிக் கல்வித்துறை முதன்மைச் செயலர் காகர்லா உஷா வெளியிட்டுள்ள செய்திக்குறிப்பில், “பள்ளிக் கல்வித்துறையில் மாவட்டக் கல்வி அலுவலர், மாவட்ட தொடக்கக் கல்வி அலுவலர், தனியார் பள்ளிகளுக்கான மாவட்டக் கல்வி அலுவலர் என 152 டி.இ.ஓ பணியிடங்கள் புதிதாக உருவாக்கப்பட்டுள்ளது.
எனவே, அவைகளில் பணியாற்றும் வகையில் 98 மாவட்டக் கல்வி அலுவலர்கள் பணியிட மாற்றம் செய்யப்படுகின்றனர். இவர்கள், புதிய பணியிடங்களில் உடனடியாக பொறுப்பேற்க வேண்டும். மேலும், இணை இயக்குநர்கள் உமா, சசிகலா, அமுதவல்லி ஆகியோர் நிர்வாக காரணங்களுக்காக பணியிட மாற்றம் செய்யப்படுகின்றனர்” என்று தெரிவித்துள்ளார்.