அமிதாப்பச்சனின் 80வது பிறந்தநாளில் வெளியாகும் 11 சூப்பர் ஹிட் படங்கள்
பாலிவுட் நடிகர் அமிதாப்பச்சனின் 80வது பிறந்தநாள் அக்டோபர் 11ம் தேதி அவரது ரசிகர்களால் கொண்டாடப்பட உள்ளது. இதையொட்டி பிவிஆர் சினிமாஸ் அவர் நடித்த 11 சூப்பர் ஹிட் படங்களை அக்டோபர் 8ம் தேதி முதல் 11ஆம் தேதி வரை இந்தியாவில் உள்ள 17 நகரங்களில், 22 தேர்ந்தெடுக்கப்பட்ட திரையரங்குகளில் திரையிடப் போவதாக அறிவித்துள்ளது. அதோடு அந்த படங்கள் குறித்த பட்டியலையும் வெளியிட்டுள்ளது. அதில், தாதா, காலா பட்டர், கலியா, கபி கபி , அமர் அக்பர் அந்தோணி, நமக் ஹலால், அபிமான், தீவார், மிலி, சட்டை பே சத்தா, சுப்கே சுப்கே ஆகிய படங்கள் இடம் பெற்றுள்ளன. மேலும், டிக்கெட் விற்பனை மற்றும் காட்சி நேரம் போன்ற விவரங்கள் வரும் நாட்களில் வெளியிடப்பட உள்ளது. இதனால் அமிதாப்பச்சனின் ரசிகர்கள் மிகுந்த உற்சாகம் அடைந்து இருக்கிறார்கள்.