Tesla நிறுவனம் உலகின் பிரபல நிறுவனங்களில் ஒரு நிறுவனம் ஆகும். இந்த நிறுவனத்தின் தலைவர் எலன் மஸ்க் உலக பணக்காரர்கள் பட்டியலில் நம்பர் 1 இடத்தில் உள்ளார். இவரிடம் உள்ள பணத்தின் காரணமாகவே பல்வேறு புதிய துறைகளில் முதலீடு செய்து அதில் மிகப்பெரிய அளவு வெற்றி பெறுகிறார்.
சமீபத்தில் இவர் ட்விட்டர் நிறுவனத்தை வாங்குவதாக இருந்தது. ஆனால் ட்விட்டர் நிர்வாகத்திற்கும் இவருக்கும் ஏற்பட்ட கருத்து வேறுபாடு காரணமாக அது தோல்வியில் முடிந்தது.
இவர் டெஸ்லா நிறுவனத்தை போலவே SpaceX நிறுவனத்தையும் நடத்திவருகிறார். டெஸ்லா எலக்ட்ரிக் கார்களை தவிர இவர் எலக்ட்ரிக் டிரக், நான்கு சக்கர பைக், பிக்கப் டிரக், சோலார் பேனல், டெஸ்லா செங்கல் போன்றவற்றயும் விற்பனை செய்கிறார்.
சுற்று சூழல் பாதிக்காதவகையில் பல விஷயங்களை இவர் செய்யக்கூடியவராக உள்ளார். இதில் அடுத்தகட்டமாக எதிர்காலத்தில் பயன்படும்
Super Humanoid Robot
தயாரிப்பிலும் இவர் ஈடுபடவுள்ளார்.
இதற்காக தற்போது ரோபோட் மனிதர்களை சோதனை செய்துவருகிறார். அதில் சமீபத்தில் இவர்கள் சோதனை செய்துவரும் ரோபோட் ஒன்று எலன் மஸ்க் பேசிக்கொண்டிருந்த மேடையில் ஏறி அவருக்கு சைகை கட்டிவிட்டு சென்றது.
இது பார்ப்பவரை மிகவும் நெகிழ்ச்சியடைய செய்தது. இதுபற்றி தெரிவித்த எலன் மஸ்க் இந்த எந்திர மனிதர்களின் சோதனை பிப்ரவரி முதல் தொடங்கியதாக கூறினார்.
Nasa DART: விண்கல் மீது மோதிய நாசா விண்கலம்! கொண்டாட்டத்தில் Nasa நிர்வாகம்
இந்த ரோபோட் பெயர்
‘Optimus’
ஆகும். இது மேடையில் ஏறியவுடன் எலன் மஸ்க்கை பார்த்து கையசைத்து பின்னர் நடனமாடியது. இது எந்த ஒரு ரிமோட் கண்ட்ரோல் இல்லாமல் தானாக செய்தது என்று எலன் மஸ்க் தெரிவித்துள்ளார்.
இதேபோல மில்லியன் கணக்கில் ‘Optimus’ ரோபோட் எந்திரங்களை உருவாக்கமுடியும் எனவும் அவற்றை ஒரு ரோபோட் 20,000 ஆயிரம் டாலர் என்ற விலையில் விற்பனை செய்யமுடியும் என்று அவர் தெரிவித்துள்ளார்.
அடுத்த 3 அல்லது 5 ஆண்டுகளில் இதற்காக ஆர்டர் எடுக்க தயாராகிவிடும் என்று மஸ்க் தெரிவித்துள்ளார். இந்த Optimus ரோபோட்டை மேம்படுத்த இன்னும் பல விஷயங்கள் உள்ளன என்றும் இது 5 முதல் 10 வருடத்தில் மிகப்பெரிய ஆச்சர்யத்தை ஏற்படுத்தும் என்று கூறியுள்ளார்.
5G சேவையை தொடங்கிவைத்தார் பிரதமர் நரேந்திர மோடி! இனி இந்தியா No 1!
இதனால் எதிர்காலம் வேறு மாதிரி இருக்கும் என்று அவர் கூறியுள்ளார். இதேபோல பெண் வடிவ ரோபோட் ஒன்றும் தயாராகும் என்று அவர் கூறியுள்ளார். இதுபோன்ற வித்யாசமான விஷயங்களை கையில் எடுக்கும் எலன் மஸ்க் எதிர்காலத்தில் மனிதர்களுக்கு வேலை இல்லாமல் செய்த்துவிடுவார் போல என்று தோன்றுகிறது.
இது அவரின் தன்னம்பிக்கையை காட்டுவதாக மட்டுமல்லாமல் எதிர்காலம் எப்படி இருக்கவேண்டும் என்று அவர் மனதில் உள்ள ஆசைகளை காட்டுகிறது.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்