8 வருட காத்திருப்புக்கு பின் கிடைத்த வரம் : நெகிழ்ச்சியில் செந்தில் -ஸ்ரீஜா
சின்னத்திரையில் பல ஹிட் சீரியல்களை விஜய் டிவி கொடுத்திருந்தாலும், அந்த சேனலில் ஒளிபரப்பான 'சரவணன் மீனாட்சி' தொடரின் இடத்தை வேறு எந்த சீரியலாலும் பிடிக்க முடியாது. அதிலும், செந்தில் – ஸ்ரீஜா காம்போவிற்கு ரசிகர்கள் மனதில் எப்போதுமே தனியொரு இடம் உண்டு. ரீல் லைப் ஜோடியான இருவரும் ரியல் லைப்பிலும் ஜோடியாகி மகிழ்ச்சியாக வாழ்ந்து வருகிறார்கள். இருப்பினும் இந்த தம்பதியினருக்கு குழந்தை பிறப்பதில் தாமதம் ஏற்பட்டு வந்ததை பார்த்து ரசிகர்களே வருத்தமடைந்தனர். இந்நிலையில் 8 வருட துயரத்தை போக்கும் வகையில் ஸ்ரீஜா தற்போது தாய்மையடைந்துள்ளார். இந்த மகிழ்ச்சியான விஷயத்தை இண்ஸ்டாகிராமில் தனது ரசிகர்களுடன் பகிர்ந்துகொண்ட செந்தில் வளைகாப்பின் போது எடுக்கப்பட்ட புகைப்படங்களை பகிர்ந்துள்ளார். இதைபார்த்து மகிழ்ச்சியடைந்த ரசிகர்கள் குழந்தை நலமுடன் பிறக்க வேண்டும் என பிரார்த்தித்து வருகின்றனர்.