'போதாத ஊருக்கு வழி செல்லும் அமைச்சர்' – ஆர்.பி.உதயகுமார் பதிலடி!

விவசாயிகளுக்கு நிவாரணம் வழங்கம் வேண்டும் என்ற எடப்பாடி பழனிசாமியின் கோரிக்கைக்கு பதிலளித்துள்ள வேளாண்துறை அமைச்சரின் பதில் போகாத ஊருக்கு வழி சொல்வது போல் இருப்பதாக அதிமுக முன்னாள் அமைச்சர் ஆர்.பி.உதயகுமார் சாடியுள்ளார்.

இதுகுறித்து அவர் வெளியிட்டுள்ள வீடியோவில் கூறியுள்ளதாவது:-

“சாதாரண விவசாயி குடும்பத்தில் பிறந்த

விவசாயம் செழிக்க தனது ஆட்சி காலத்தில் விவசாயிகளுக்கு திட்டங்களை செய்தார். காவிரி நீர் மேலாண்மை மற்றும் முறைப்படுத்தும் குழுவை அமைத்திட நாடாளுமன்றத்தை 21 நாட்கள் முடக்கி அதன் மூலம், காவிரி பிரச்சினைக்கு நிரந்தரமாக

தீர்வு கண்டு வரலாற்று சாதனை படைத்தார். காவிரி மற்றும் அதன் கிளை ஆறுகளை மாசுபடுவதை மீட்டெடுக்க நடந்தாய் வாழி காவிரி திட்டம் தந்தார்.

நீர்நிலைகளை மேம்படுத்தும் வண்ணம் 1,132 கோடி மதிப்பில் 5,586 நீர்நிலைகளை மேம்படுத்தி வரலாற்றுச் சாதனை. அதேபோல் 9,006 கோடி அளவில் 50.13 லட்சம் விவசாயிகளுக்கு பயிர் இழப்பீடு தொகை வழங்கப்பட்டுள்ளது. 2016 ஆம் ஆண்டில் ஜெயலலிதா ஆட்சியில் 5,318 கோடி அளவில் விவசாய கடன் தள்ளுபடி செய்யப்பட்டுள்ளது. இதன்மூலம் 12 லட்சம் சிறு, குறு விவசாயிகள் பயன்பட்டனர்.

அதேபோல் 2021 ஆம் ஆண்டில் 12,110 கோடி விவசாய கடன் தள்ளுபடி செய்யப்பட்டது. 5 ஆண்டுகளில் இருமுறை விவசாயிகளுக்கு பயிர் கடன் தள்ளுபடி செய்யப்பட்டுள்ளது. அத்திக்கடவு, அவிநாசி திட்டம் 1,652 கோடியின் செயல்படுத்தப்பட்டது, அதேபோல் 58 கால்வாய் திட்டம் செயல்படுத்தப்பட்டது. முதலமைச்சர் உழவர் பாதுகாப்பு திட்டத்தின் கீழ் 10,41,315 விவசாயிகளுக்கு, 827கோடி மதிப்பில் நிவாரண உதவி வழங்கப்பட்டது.

கடந்த 2017 ஆம் ஆண்டு கடும் வறட்சியால் பாதிக்கப்பட்ட விவசாயிகளுக்கு, 2,247 கோடி அளவில் வறட்சி நிவாரணமாக வழங்கப்பட்டது. 14,440 கோடியில் விவசாயிகளின் 100 ஆண்டு கோரிக்கையான காவிரி, வைகை, குண்டாறு இணைப்புதிட்டம் புதுக்கோட்டையில் அடிக்கல் நாட்டப்பட்டது. இந்த திட்டத்தின் மூலம் ராமநாதபுரம் வறட்சி மாவட்டங்கள் செழிப்படையும். முல்லை பெரியார் அணை நீர்மட்டத்தை மூன்று முறை 142 அடியாக தேக்கப்பட்டது. இப்படி அடுக்கடுக்கான திட்டங்களை விவசாயிகள் முதல்வர் எடப்பாடி பழனிசாமி சாதனை படைத்துள்ளார்.

தற்போது டெல்டா மாவட்டங்களில் பாதிக்கப்பட்ட விவசாயிகளுக்கு நிவாரண உதவி வழங்கவேண்டும் என்று எடப்பாடி பழனிசாமி கோரிக்கை வைத்தால், அதற்கு வேளாண் துறை அமைச்சர் புள்ளி விவரம் வேறுபாடு உள்ளது என்று கூறுகிறார். நிவாரண உதவியை இன்று தருகிறோம், நாளை தருகிறோம் என்று சொல்ல தயக்கம் ஏன் ? புள்ளி விபரம் பிரச்சனை என்று கூறி ‘போகாத ஊருக்கு வழி சொல்லும் வகையில் அமைச்சர் பதில்’ உள்ளது. கடந்த திமுகவின் தேர்தல் அறிக்கையில் ஏரி,குளங்கள் பாதுகாப்பு சிறப்பு திட்டத்திற்கு 10,000 கோடி நிதி ஒதுக்கப்படும் என்று கூறினார்கள், 2,000 கோடியில் 200 தட்டுப்பணைகள் கட்டப்படும் என்று கூறினார்கள்.

சென்னையில் உள்ள ஆறுகளை பாதுகாப்பிற்கு 5,000 கோடி ஒதுக்கப்படும் என்று கூறினார்கள். பேச்சுப்பாறை அணை சீரமைக்கப்படும். நொய்யல் ஆறு சீர்படுத்தி, பவானி ஆறு, அமராவதிஆறுகளில்

உபரிநீர் வீணாக கடலில் கலப்பதை தடுக்க திட்டம் போட்டார்கள், பெரியார் வைகை பிரதான பாசனக்கால் வாயிலிருந்து இருந்து சாத்தையார் அணைக்கு புதிய கால்வாய் அமைத்து,

சாத்தையார் அணை ஆயகட்டுபகுதியை அதிகரிக்கப்படும் என்று கூறினார்கள். கடலூர் வெள்ள பாதுகாப்புக்கு அரிவாள் மூக்கு வடிகால் திட்ட அமைக்கப்படும் என்று சொன்னார்கள். இதை எல்லாம் எதுவும் செய்தார்களா?

விவசாயிகள் நலம் சார்ந்து எடப்பாடி பழனிசாமி கோரிக்கை வைத்தால் அந்த புள்ளி விவரத்தை அதிகாரிகளை வைத்து ஆய்வு செய்ய வேண்டும், நீங்களும் நேரில் சென்று ஆய்வு செய்ய வேண்டும். இதே காலகட்டத்தில் பாதிக்கப்பட்ட பகுதிகளில் சேற்றிலே இறங்கி எடப்பாடி ஆய்வு செய்து நிவாரணங்கள்

வழங்கினார். பாதிக்கப்பட்ட பகுதிகளுக்கு வருவாய் துறை, வேளாண் துறை ஆகிய துறைகளும் ஆய்வு மேற்கொள்ள வேண்டும். விவசாயிகள் வேதனை வடிக்கும் கண்ணீருக்கு என்று வழி என்று கேட்டால், பட்டுக்கோட்டைக்கு வழி கேட்டால் கொட்டப்பாக்கு என்று பதில் சொல்வது போல அமைச்சர் பதில் உள்ளது” இவ்வாறு பதிலடி கொடுத்துள்ளார்.