ஜெயலலிதா மறைவுக்கு பிறகு
மற்றும் எடப்பாடி பழனிச்சாமி ஆகியோர் அதிமுகவை வழிநடத்தி வந்தனர். ஆனாலும், கட்சி தலைமை பதவி யாருக்கு? என்பதில் இவர்களிடையே பனிப்போர் நிலவி வந்தது.
இந்த பனிப்போர் சமீபத்தில் பூதாகரமாக வெடித்ததை அடுத்து எடப்பாடி பழனிச்சாமி ஒரு அணியாகவும், ஓ.பன்னீர்செல்வம் மற்றொரு அணியாகவும் தங்களது ஆதரவாளர்களுடன் களத்தில் உள்ளனர்.
இந்த மோதலின் ஒரு பகுதியாக பெரும்பாண்மையான பொதுக்குழு உறுப்பினர்கள் அதிமுகவின் இடைக்கால பொதுச்செயலாளராக எடப்பாடி பழனிச்சாமியை அறிவித்து தீர்மானம் நிறைவேற்றினர்.
இதற்கு எதிர்ப்பு தெரிவித்த ஓ.பன்னீர்செல்வம் மற்றும் அவரது ஆதரவாளர்கள் கட்சியில் இருந்து நீக்கப்பட்டனர். இதனால் ஆத்திரம் அடைந்த ஓ.பன்னீர்செல்வம் நீதிமன்றத்தில் வழக்கு தொடர்ந்துள்ளார்.
இந்த வழக்கில் அவருக்கு சாதகமாக கீழமை நீதிமன்றம் தீர்ப்பு அளித்தது. உடனே, எடப்பாடி பழனிச்சாமி இந்த தீர்ப்பை எதிர்த்து சென்னை உயர்நீதிமன்றத்தில் மேல்முறையீடு செய்தார்.
இந்த வழக்கு விசாரணை முடிவில் எடப்பாடி பழனிசாமி அதிமுக இடைக்கால பொதுச்செயலாளராக தேர்வு செய்யப்பட்டது செல்லும் என தீர்ப்பளிக்கப்பட்டதால் அதிமுக பொதுச்செயலாளர் தேர்தலை நடத்தி முடிக்க அவசரம் காட்டினர்.
இதனால் கடும் அதிர்ச்சி அடைந்த ஓ.பன்னீர்செல்வம் சென்னை உயர் நீதிமன்ற தீர்ப்பை எதிர்த்தும், அதிமுக பொதுச்செயலாளர் தேர்தலை நடத்த தடை கேட்டும் உடனடியாக உச்சநீதிமன்றத்தில் மேல்முறையீடு செய்தார்.
இந்த வழக்கை விசாரித்த உச்சநீதிமன்றம் ஓபிஎஸ் வழக்கை விசாரித்து முடிக்கும் வரை அதிமுக பொதுச்செயலாளர் தேர்தலை நடத்த தடை விதித்து அதிரடியாக உத்தரவு பிறப்பித்தது.
இதனால் விரக்தியின் உச்சத்துக்கே போன எடப்பாடி பழனிச்சாமி அடுத்தக்கட்ட நடவடிக்கையாக தேர்தல் ஆணையம், பாஜக மேலிடம் என்று அலைந்து திரிந்தும் காரியம் கைகூட வில்லை.
இந்நிலையில், தமிழக அரசியலில் தங்களுடைய இருப்பை காட்டும் விதமாக எடப்பாடி பழனிச்சாமி மற்றும் ஓபிஎஸ் ஆகியோர் அடுத்தடுத்து, திமுக மீது பல்வேறு குற்றச்சாட்டுகளை சரமாரியாக அடுக்கியும், ஜெயலலிதாவின் திட்டங்களை முடக்கிவிட்டதாக கூறி தமிழக அரசை கண்டித்தும் வருகின்றனர்.
எடப்பாடி பழனிச்சாமி, ஓ.பன்னீர்செல்வம் ஆகியோரது இந்த நடவடிக்கை திமுகவை டென்ஷன் ஆக்கி இருப்பதோடு, தமிழக அரசின் மீது பொதுமக்களுக்கு உள்ள நம்பிக்கையை சீர்குலைக்கும் வகையில் உள்ளது.
இதனால் ஏகத்துக்கும் டென்ஷன் ஆகியிருக்கும் தமிழக முதல்வர் ஸ்டாலின் ஒரே நேரத்தில் எடப்பாடி பழனிச்சாமி மற்றும் ஓ.பன்னீர்செல்வம் ஆகிய 2 பேருக்குமே ஆப்பு வைத்து வாயை அடக்க முடிவு செய்துள்ளதாக கூறப்படுகிறது.
அதன்படி அக்டோபர் 3 அல்லது 4வது வாரத்தில் சட்டமன்றத்தை கூட்டுவதற்கு தமிழக அரசு முடிவு செய்துள்ளது. இக்கூட்டத்தில் ஜெ. மரணம் குறித்த ஆறுமுகசாமி ஆணையம் அளித்த அறிக்கையின் சாரம்சம், ஆன்லைன் ரம்மிக்கு தடை மசோதா, தூத்துக்குடி துப்பாக்கிச் சூடு விசாரணை அறிக்கை, ஸ்மார்ட் சிட்டி முறைகேடு குறித்த அறிக்கை உள்பட பல்வேறு அதிரடிகளை அரங்கேற்ற திட்டமிட்டுள்ளதாக தகவல் வெளியாகி உள்ளது.
இந்த விவகாரங்களில் எடப்பாடி பழனிச்சாமி, ஓ.பன்னீர்செல்வம் ஆகிய 2 பேருக்கு உள்ள நேரடி தொடர்பு வெளிச்சத்துக்கு வரும் என்று எதிர்பார்க்கப்படுவதால் அதிமுக தலைமை ‘கப்சிப்’ ஆகி கிடக்கிறது.