விருதுநகர் மாவட்டம் சிவகாசி அருகே உள்ள பி.எஸ்.ஆர் பொறியியல் கல்லூரியில் நடைபெற்ற 19வது பட்டமளிப்பு விழாவில் தமிழக ஆளுநர் ஆர்.என். ரவி கலந்து கொண்டு இளங்கலை மற்றும் முதுகலை பொறியியல் முடித்த 567 மாணவ, மாணவியர்க்கு பட்டங்களை வழங்கினார்.
நிகழ்ச்சியில் பேசிய ஆளுநர் ஆர்.என். ரவி, “மாணவர்களின் கடின உழைப்பிற்கு கிடைத்த வெற்றிதான் இந்த பட்டம். கற்றலுக்கு அளவே கிடையாது. வாழ்நாள் முழுவதும் கற்றலை கைவிடக்கூடாது. படித்து முடித்த உங்களுக்கு முன்னால் பல சவால்கள் காத்திருக்கிறது. அதை நீங்கள் வெற்றிகரமாக சந்தித்து வாழ்வாதாரம், குடும்பம் இவற்றை உருவாக்க வேண்டும்.
ஆளுநர் தமிழிசை சவுந்தர்ராஜன் பொதுமக்களிடம் குறைகளை கேட்கும் நிகழ்வை இன்று தொடங்கினார்!
புதிய இந்தியாவை படைக்க உங்களின் ஒத்துழைப்பு முக்கியம். இன்னும் இரண்டு ஆண்டுகளில் உலக அளவில் இந்தியாவின் குரல் ஓங்கி ஒலிக்கும். தற்போது உலக நாடுகள் இந்தியாவை வியந்து பார்த்து உற்றுநோக்குகிறது. உலக நாடுகளின் வளர்ச்சியில் நாம் 3 வது இடத்தில் உள்ளோம். எவ்வித இக்கட்டான சூழ்நிலையையும் இந்தியா எளிதாக மேற்கொள்ளும். கொரோனா காலத்தில் நமது விஞ்ஞானிகள் தடுப்பு மருந்து கண்டுபிடித்து 150 க்கும் மேற்பட்ட நாடுகளுக்கு நமது தலைமையில் அனுப்பியது. உலக மக்களை காத்து நம்மையும் காத்தோம்.
ரஷ்யா, உக்ரைன் போரின் போது உக்ரைனில் படித்த நம் மாணவர்கள் 70 ஆயிரம் பேரை இந்தியா அழைத்து வர இருவரையும் போரை நிறுத்த சொன்னோம், நிறுத்தினார்கள். நமது மாணவ,மாணவியர்கள் வீடு வந்து சேர்ந்தார்கள். இந்த போரா94723966ல் நமது பொருளாதாரம் வீழ்ச்சி அடையும் என எதிர்பார்த்தார்கள் நடந்ததா?. எனவே இந்தியாவை குறைத்து மதிப்பிடாதீர்கள். எல்லா துறைகளிலும் நேர்மறையான சிந்தனைகள் பெருகி வருகின்றன.
கடல், வானம், பூமி என எல்லா இடங்களிலும், எல்லா துறைகளிலும் உலக நாடுகளுக்கு முன்னோடியாக இந்தியா திகழ்கிறது. மேலும் குறைந்த செலவில் அதிக எண்ணிக்கையில் விண்வெளியில் செயற்கை கோளை நிறுத்துகிறது இஸ்ரோ. அதனால் ஜப்பான் போன்ற நாடுகள் நம்மிடம் புரிந்துணர்வு ஒப்பந்தம் போடுகிறது.
நீங்கள் அதிர்ஷ்டசாலிகள். உங்களுக்கு வாய்ப்புகள் அதிகம் உள்ளன. உங்களது சிந்தனை பெரிதாக இருக்க வேண்டும். பட்டம் வாங்கிய இந்த வேளையில் நமது நாடு எந்த நிலையில் உள்ளது என்பதை அறிந்து கொள்ள வேண்டும். நாட்டை பற்றி சிந்திக்க வேண்டும், நாடு வளர்ந்தால்தான் நாமும் வளர்வோம்.
தற்போது உலக நாடுகளுக்கு செல்லும் இந்தியர்கள் தங்கள் பெருமையை உணர்கிறார்கள். இனி வரும் 35 ஆண்டுகள் இளைஞர்களாகிய உங்கள் கையில் எழுமின், விழுமின் குறிசாரும் வரை நில்லாது செல்மின் என்ற விவேகானந்தரின் வரிகளை நீங்கள் மனதில் கொள்ள வேண்டும். நமது கலாச்சாரம், பண்பாடு, பொருளாதார முறையில் தான் நாம் உலக நாடுகளுக்கு முன்மாதிரியாக திகழ்கிறோம். பிரதமர் சொன்னதை போல் நமது முன்னேற்றத்திற்கும் இவைதான் காரணமாக அமைகிறது.
2047ல் அனைத்து துறைகளிலும் இந்தியா முழுமை பெற்று உலகை வழி நடத்தும். மாணவர்கள் தங்கள் உடல் நலனில் அக்கறை செலுத்த வேண்டும். உடற்பயிற்சி செய்யுங்கள். அதிலும் யோகா சிறந்தது” என்றார்.