கேரளா மாநில கவர்னர் ஆரிப் முகமது கான், முதல்வர் பினராயி விஜயனுக்கு இடையே மோதல் முற்றியுள்ளது. பல்கலை கழகங்களில் பேராசிரியர்கள், துணை வேந்தர்கள் நியமனத்தில் ஆளும் கட்சியின் ஆதரவாளர்கள் நியமிக்கப்படுவதாக கவர்னர் குற்றம்சாட்டி வந்தார்.
இதற்கிடையே பல்கலைக்கழக நியமனங்களில் கவர்னர் அதிகாரத்தை குறைக்கும் வகையில் கேரள சட்டசபையில் நிறைவேற்றப்பட்ட மசோதாவுக்கும் கவர்னர் ஒப்புதல் அளிக்கவில்லை.
மேலும் கேரளா அரசு மற்றும் முதல்வர் பினராயி விஜயன் குறித்து கவர்னர் ஆரிப் முகமதுகான் வெளிப்படையாக விமர்சித்து வந்தார். இந்த நிலையில் கடந்த சில வாரங்களுக்கு முன்பு கவர்னர் ஆரிப் முகமதுகான் டெல்லி சென்று இருந்தார்.
சிக்கலில் மாட்டிய எச்.ராஜா; கழற்றிவிட்டு ஓடிய அட்மின்!
அங்கு செய்தியாளர்களை சந்தித்த கவர்னர், ‘கண்ணூர் பல்கலைக்கழகத்தில் 2019ம் ஆண்டு நடந்த வரலாற்று மாநாட்டில் என்னை தாக்குவதற்கு துணை வேந்தர் கோபிநாத் ரவீந்திரன் தலைமையில் சிலர் திட்டமிட்டனர்.
குடியுரிமைச்சட்டத்துக்கு ஆதரவான கருத்துக்களை நான் பேசியபோது வரலாற்று ஆசிரியர் இர்பான் ஹபீப் எனது பேச்சு பற்றி கேள்வி எழுப்ப முயன்றார். இதை தொடர்ந்து என்னை தாக்கவும் திட்டமிட்டனர்’ என குற்றம்சாட்டி இருந்தார்.
இதற்கிடையே முதல்வர் பினராயி விஜயனுக்கு எதிரான ஆவணங்களை வெளியிட உள்ளதாக கவர்னர் ஆரிப் முகமது கான் அறிவித்திருந்த நிலையில் சமீபத்தில் கண்ணூர் பல்கலைக்கழக வரலாற்று மாநாட்டில் நடந்த சம்பவம் தொடர்பாக ஒரு வீடியோ வெளியிடப்பட்டது.
திமுகவுக்கு பாஜக ‘மெகா பரிசு’; அர்ஜூன் சம்பத் போர்க்கொடி!
இந்த வீடியோ கவர்னர் மாளிகையால் தயாரிக்கப்படவில்லை என்றும், கேரளா அரசு செய்தி மக்கள் தொடர்புத் துறை மற்றும் பல்வேறு ஊடகங்களில் வெளியான வீடியோ என்றும் அறிவிக்கப்பட்டது.
சூட்டோடு சூடாக கவர்னர் ஆரிப் முகமது கான் செய்தியாளர்களை சந்தித்து பேசும்போது, ‘கண்ணூர் பல்கலைக்கழக வரலாற்று மாநாட்டில் நடந்த பிரச்சனை 7 ஆண்டுகள் சிறைத்தண்டனை கிடைக்கக்கூடிய குற்றம்.
எனக்கு எதிராக போராடியவர்கள் மீது போலீஸ் நடவடிக்கை எடுக்க முயன்றபோது, மேடையில் இருந்த கே.கே.ராகேஷ் போலீசை தடுத்தார்’ என கூறி இருந்தது கேரளாவில் பெரும் பரபரப்பை ஏற்படுத்தி இருந்தது.
சட்டையில் கை வைத்த துரைமுருகன்; நெகிழ்ந்து போன முதல்வர் ஸ்டாலின்!
இந்த விவகாரத்தில் கவர்னர் ஆரிப் முகமது கான் குற்றம்சாட்டிய கே.கே.ராகேஷ் என்பவர் முதல்வர் பினராயி விஜயனின் உதவியாளர் என்பதால் ஆளும் சிபிஎம் கட்சிக்கு அதிருப்தியை ஏற்படுத்தியது.
இதன் தொடர்ச்சியாக ‘கவர்னர் அரிப் முகமது கான் கம்யூனிஸ்டுக்கு எதிராக பிரசாரம் செய்து வருகிறார். கவர்னர் பதவியில் இருந்து உங்களை தரம்தாழ்த்திக் கொள்ள வேண்டாம். பதவிக்கு தகுந்தபடி நடந்து கொள்ளுங்கள்’ என்று முதல்வர் பினராயி விஜயன் சற்று காட்டமாகவே பதிலடி கொடுத்தது, கேரள அரசியலில் புயலை கிளப்பி இருந்தது.
இந்நிலையில் கொஞ்சம் இடைவெளிக்கு பிறகு கேரளா மாநிலம், கண்ணூர் பல்கலைக்கழகத்தின் பணி நியமன பட்டியலை கவர்னர் ஆரிப் முகமது கான் திருப்பி அனுப்பி இருக்கிறார்.
எடப்பாடி ஷாக்; முக்கிய ஆதரவாளர்கள் திடீர் போர்க்கொடி!
மேலும் தகுதி இல்லாதவர்களை மாற்ற வேண்டும் என்று அறிவுறுத்தி இருக்கும் கவர்னர் அரிப் முகமது கான், பல்கலைக்கழக பணி நியமன பட்டியலை சரி செய்ய வேண்டும் என்று தடாலடியாக உத்தரவிட்டுள்ளார்.
இதன் காரணமாக அரசுக்கும், கவர்னருக்கும் இடையே மீண்டும் பகிரங்க மோதல் வெடித்து உள்ளதால், கேரளா அரசு மற்றும் அரசியல் வட்டாரத்தில் பரபரப்பான சூழ்நிலை நிலவுகிறது.