உத்தராகண்ட் மாநிலம் கேதார்நாத் அருகே, யாத்ரீகர்களை ஏற்றிச் சென்ற ஹெலிகாப்டர் விபத்துக்கு உள்ளானதில், விமானி உட்பட, 6 யாத்ரீகர்கள் பலியாகினர்.
கேதார்நாத்தில் இருந்து குப்தகாசி நோக்கி சென்ற தனியார் நிறுவனத்திற்கு சொந்தமான ஹெலிகாப்டர் காலை 11:40 மணி அளவில் கீழே விழுந்து நொறுங்கியது. பாதாவில் இருந்து கேதார்நாத்திற்கு புறப்பட்டுச் சென்ற போது ஏற்பட்ட விபத்தில் விமானி உட்பட 7 பேர் உயிரிழந்தனர்.
இது குறித்து போலீசார் கூறுகையில், “ஆர்யன் ஏவிடேசன் பிரைவேட் லிமிடெட் நிறுவனத்துக்கு சொந்தமான ஹெலிகாப்டர் ஒன்று கேதார்நாத் சென்று திரும்பி வந்துகொண்டிருந்தது. இந்த ஹெலிகாப்டர் இந்திய -திபெத் எல்லை பகுதியான கருட் சட்டி என்ற பகுதிக்கு நுழைந்த போது திடீரென விபத்துக்கு உள்ளானது.
இந்த விபத்தில் விமானி, 6 யாத்ரீகர்கள் உயிரிழந்தனர்” எனக் கூறினர்.
கேதார்நாத் ஹெலிகாப்டர் விபத்தில் உயிரிழந்தவர்களில் 3 பேர் தமிழகத்தின் சென்னையைச் சேர்ந்தவர்கள் என தெரிய வந்துள்ளது. உயிரிழந்தவர்களில் பிரேம் குமார், கலா, சுஜாதா ஆகிய மூவர் சென்னை அண்ணா நகரைச் சேர்ந்தவர்கள் என உத்தராகண்ட் காவல் துறை தெரிவித்து உள்ளது. இந்த விபத்து குறித்து விசாரணை நடத்த விமானப் போக்குவரத்துத் துறை உத்தரவிட்டு உள்ளது.