உலகம் முழுவதும் கோடிக்கணக்கான மக்கள் உபயோகப்படுத்தும் செயலியாக வாட்ஸ்அப் உள்ளது. செய்திகளை அனுப்புதல், வீடியோ, புகைப்படங்களை பகிர்தல், வீடியோ காலிங், வாய்ஸ் காலிங் போன்ற பல்வேறு வசதிகளை வாட்ஸ் அப் வழங்கி வருகிறது. ஃபேஸ்புக், இன்ஸ்டாகிராம் உள்ளிட்ட செயலிகளை நடத்தி வரும் மெட்டா நிறுவனம்தான் வாட்ஸ்அப் செயலியையும் நடத்தி வருகிறது.
வாட்ஸ் அப் செயலியில் அடிக்கடி ஹேக்கர்கள் ஊடுருவுவது, தனியுரிமை மீறுதல் உள்ளிட்ட புகார்கள் அடிக்கடி வருவதால், பாதுகாப்பு அம்சங்களில் அந்நிறுவனம் முனைப்பு காட்டி வருகிறது. இதனால், அடிக்கடி அப்டேட்டுகள் விடப்பட்டு செயலியின் பாதுகாப்பு அம்சம் அதிகரிக்கப்படுகிறது.
இந்நிலையில், உலகின் பல இடங்களில் வாட்ஸ் அப் செயலி திடீரென முடங்கியுள்ளது. கடந்த 30 நிமிடங்களுக்கு மேலாக வாட்ஸ்அப் பயன்பாட்டில் இல்லை. இதனால் தகவல்களை பரிமாற்றம் செய்யமுடியாமல், வாட்ஸ்அப் பயனாளர்கள் அவதிக்குள்ளாகியுள்ளனர். மேலும், தங்களது செல்போன்களில் வாட்ஸ் அப் செயலி செயல்படவில்லை என்று அவர்கள் புகார் தெரிவித்து வருகின்றனர். #whatsappdown என்ற ஹேஸ்டேக் ட்ரெண்டாகி வருகிறது.
இந்தியா உள்ளிட்ட பல்வேறு நாடுகளிலும் வாட்ஸ்அப் சேவை பாதிப்பு ஏற்பட்டுள்ளதால் டெலிகிராம், இன்ஸ்டாகிராம் உள்ளிட்ட சமூக வலைத்தளங்கள் மூலமாக பயனாளர்கள் தகவலை பரிமாறி வருகின்றனர். தொழில்நுட்ப கோளாறு காரணமாக வாட்ஸ்அப் சேவை முடங்கியுள்ளதாக தெரிகிறது.
ஆளுநர் ஆர்.என்.ரவிக்கு இதுகூட தெரியாதா?
இந்த நிலையில், வாட்ஸ்அப்பை விரைவில் மீட்க நடவடிக்கை மேற்கொண்டு வருவதாக மெட்டா நிறுவனம் விளக்கம் அளித்துள்ளது. இதுகுறித்து அந்நிறுவனத்தின் செய்தி தொடர்பாளர் கூறுகையில், “வாட்ஸ்அப்-இல் குறுஞ்செய்திகள் அனுப்புவதில் சிலருக்கு சிக்கல் இருப்பதை நாங்கள் அறிவோம்; வாட்ஸ் அப்பை விரைவில் மீட்க நாங்கள் நடவடிக்கை மேற்கொண்டு வருகிறோம்.” என்று விளக்கம் அளித்துள்ளார்.