ஜப்பானில் வெளியாகும் 'மாஸ்டர்'
லோகேஷ் கனகராஜ் இயக்கத்தில், அனிருத் இசையமைப்பில், விஜய், விஜய் சேதுபதி, மாளவிகா மோகனன் மற்றும் பலர் நடிப்பில் கடந்த வருடம் பொங்கலுக்கு வெளிவந்து வெற்றி பெற்ற படம் 'மாஸ்டர்'.
இப்படம் ஜப்பான் நாட்டில் அடுத்த மாதம் நவம்பர் 18ம் தேதி வெளியாக உள்ளது. இது குறித்த அறிவிப்பும் வெளியாகி உள்ளது. “இந்திய சினிமாவின் அடுத்த சூப்பர் ஸ்டார், கடைசியாக இங்கு வந்துவிட்டார்” எனக் குறிப்பிட்டு படத்தைப் பற்றி விளம்பரப்படுத்தி உள்ளார்கள். அதற்கான முன்பதிவுகளையும் ஆரம்பித்துள்ளார்கள்.
'மாஸ்டர் டீச்சர் இஸ் கம்மிங்' என படத்திற்கு ஜப்பானில் தலைப்பு வைத்திருக்கிறார்கள். ரஜினிகாந்திற்குப் பிறகு விஜய் தான் தமிழ் சினிமாவில் ஸ்டார் ஆக இருக்கிறார், இந்திய சினிமா பாக்ஸ் ஆபீஸில் கடந்த வருடம் மூன்றாம் இருடத்தில் இருந்தவர் என்றும் அவரைப் பற்றிக் குறிப்பிட்டுள்ளார்கள்.
லோகேஷ் கனகராஜ் இயக்கத்தில் வந்த 'கைதி' படம் ஜப்பான் நாட்டில் 'பிரிசனர் டில்லி' என்ற பெயரில் திரையிடப்பட்டுள்ளது.