மத்திய பிரதேசத்தில், ௧௫ வயது சிறுமியை கூட்டு பலாத்காரம் செய்த ஐந்து பேரை, போலீசார் நேற்று கைது செய்தனர்; மேலும் இருவரை தேடி வருகின்றனர்.
மத்திய பிரதேசத்தில், குணா மாவட்டத்தில் உள்ள சச்சோடா என்ற பகுதியைச் சேர்ந்த 10ம் வகுப்பு மாணவி நேற்று முன் தினம் மாலை பள்ளி முடிந்து வீடு திரும்பியுள்ளார்.
அப்போது, இரண்டு சிறுவர்கள் உட்பட ஏழு பேர் சேர்ந்து, மாணவியை கடத்திச் சென்று கூட்டு பலாத்காரம் செய்துள்ளனர். சுயநினைவு இழந்த சிறுமியை, ஒரு வீட்டின் பின்புறம் போட்டுவிட்டு தப்பினர்.
மாணவியின் தந்தை அவரை மீட்டு, மருத்துவமனையில் சேர்த்தார். பின், அவரிடம் போலீசார் நடத்திய விசாரணையின் அடிப்படையில் இரண்டு சிறுவர்கள் உட்பட ஐந்து பேரை போலீசார் கைது செய்தனர்; மேலும், இருவரை தேடி வருகின்றனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement