MIDAS 2022 கோலாகல நிகழ்ச்சியில் மீனாட்சி அம்மாள் பல் மருத்துவக் கல்லூரி மாணவர்கள் சாம்பியன்ஷிப் ட்ராபியை வென்றனர். மீனாட்சி அம்மாள் பல் மருத்துவக் கல்லூரி மற்றும் மருத்துவமனையின் மாணவர்கள் மிடாஸ் 2022 தமிழ்நாடு மாநில மாணவர் மாநாட்டில் ஓவரால் சாம்பியன்ஷிப்பை வென்றுள்ளனர்.
இது ஐடிஏ மெட்ராஸ் கிளை நடத்திய அறிவியல் விளையாட்டு மற்றும் கலாச்சார நிகழ்வாகும். இதில் 20 பல் மருத்துவக் கல்லூரிகளும் ஏராளமான மாணவர்களும் பங்கேற்றனர்.
இந்த போட்டிகளில், மீனாட்சி அம்மாள் பல் மருத்துவக் கல்லூரி கல்வி மற்றும் கலாச்சார நிகழ்வுகளில் முதலிடம் பெற்றது.
மேலும் விளையாட்டு நிகழ்வுகளில் மூன்றாவது இடத்தைப் பிடித்தது. இதன் மூலம் மீனாட்சி அம்மாள் பல் மருத்துவக் கல்லூரி ஒட்டொமொத்த சாம்பியன்ஷிப் ட்ராபியை கைப்பற்றியது.
மீனாட்சி அம்மாள் பல் மருத்துவக் கல்லூரி மாணவர்கள் அனைத்து வகையான போட்டிகளிலும் மிகுந்த ஆர்வத்துடனும் உற்சாகத்துடனும் கலந்துகொண்டனர். தங்களது திறமையை அருமையாக வெளிப்படுத்திய மாணவர்கள் பல பரிசுகளை வென்று சாம்பியன்ஷிப்பை அள்ளிச்சென்றனர்!!