வருகின்ற 11ம் தேதி தமிழகம் வருகை தரும் பிரதமர் நரேந்திர மோடிக்கு வரவேற்பு அளிப்பது குறித்து, பாஜக நிர்வாகிகளுடன் கலந்து ஆலோசனை நடத்த மதுரை மாவட்டம், வாடிப்பட்டி அருகே சாணம்பட்டிக்கு இன்று வருகை தந்தார் பாஜக மாநிலத் தலைவர் அண்ணாமலை.
அவரை வரவேற்கும் விதமாக அப்பகுதியைச் சேர்ந்த பாஜக நிர்வாகிகள்.பேனர் வைத்திருந்தனர். அதுவே தற்போது சர்ச்சை ஆகி டிரெண்டிங் ஆகியுள்ளது
பாஜக மாநில தலைவர் அண்ணாமலைக்கு வைத்த பேனரில். வருங்கால” முதலமைச்சர் என்றிருக்க வேண்டியதற்கு பதிலாக, “வருங்கால முதலைமைச்சரே” என்ற வாசகம் அதில் இடம்பெற்றிருந்தது. நல்வாய்ப்பாக இந்த விஷயம் அண்ணாமலையின் பார்வைக்கு போகும் முன்பே சர்ச்சைக்குரிய அந்த பேனரை அப்புறப்படுத்தினர்.
இந்த பேனரில் உள்ள வாசகம் மாநில தலைவருக்கு தெரியும் முன்பு. பேனர் வைத்த பாஜகவினர் பேனரை அப்பகுதியிலிருந்து அப்புறப்படுத்தினர்.
2026 இல் தமிழகத்தில் பாஜக ஆட்சி அமைக்கும் என்று போகும் இடமெல்லாம் அண்ணாமலை கூறிவரும் நிலையில் அவரை வரவேற்று வைக்கப்பட்ட பேனரே எதிராளிகள் கேலி பேசும்படி அமைந்துவிட்டதே என்று நொந்து கொண்டனர் அண்ணாமலை ஆதரவாளர்கள்.