நேட்டோ அமைப்பில் இணைவதற்கு கடுமையாக எதிர்ப்பு தெரிவித்து வந்த ரஷ்யா திடீரென கடந்த பிப்ரவரி மாதம் 24ம் தேதி உக்ரைன் நாட்டின் மீது போரை ஏவியுள்ளது.
ரஷ்யா படைகள் கடந்த 9 மாதங்களாக உக்ரைன் நாட்டில் அதிரடி தாக்குதல் நடத்தி வரும் நிலையில், இந்த போரில் உக்ரைன் பொதுமக்களில் பலர் இதுவரை உயிரிழந்துள்ளனர்.
இதன் ஒரு பகுதியாக, உக்ரைனின் கிழக்கே ரஷ்யாவையொட்டி அமைந்துள்ள டொனட்ஸ்க், லுஹான்ஸ்க் ஆகிய பிராந்தியங்களையும், தெற்கே அமைந்துள்ள ஸபோரிஷியா, கெர்சான் பிராந்தியங்களையும் ரஷ்யா அதிரடியாக கைப்பற்றியது.
ஆளுநர் ஆகும் பொன்.ராதாகிருஷ்ணன்?; வாய்ப்பை நழுவ விட்டு எச்.ராஜா சோகம்!
இதனை தொடர்ந்து அமெரிக்கா, ஐரோப்பிய நட்பு நாடுகளின் உதவியுடன் உக்ரைன் கடந்த 9 மாதங்களாக, ரஷ்யாவுக்கு சரியான பதில் தாக்குதலை அளித்து வருகின்றது.
இந்த போரில் உக்ரைன் பெரும் சேதத்தை சந்தித்துள்ளதாகவும், வீரர்கள் பலரை இழந்துள்ளதாகவும் பகிரங்கமாக அறிவித்து, ஐ.நாவிடம் முறையிட்டு உள்ளது. ரஷ்யாவோ தங்களுக்கு எந்த சேதமும் இல்லை என்றும், அதிக வீரர்களை இழக்கவில்லை என்றும் அறிவித்து வந்தது.
இதற்கிடையே உக்ரைன் பாதுகாப்புத்துறை நேற்று வெளியிட்டு இருந்த செய்தியில் ரஷ்யாவின் 77,950 வீரர்கள் பலியாகியுள்ளனர். அவர்களின் 2,801 பீரங்கிகள் அழிக்கப்பட்டு உள்ளதாக தெரிவித்து இருந்தது.
மோடியை எதிர்ப்பதால் வீட்டு சிறை; நந்தினி ஆனந்தன் பரபரப்பு வீடியோ!
இந்த நிலையில் ரஷ்யா-உக்ரைன் போர் குறித்து அமெரிக்க ராணுவ அதிகாரி மார்க் மில்லி செய்தியாளர்களை சந்தித்து கூறியிருக்கும் தகவல் முக்கியத்துவம் வாய்ந்ததாக கருதப்படுகிறது.
இதுதொடர்பாக அமெரிக்க ராணுவ அதிகாரி மார்க் மில்லி கூறியதாவது:
உக்ரைன் நாட்டுடனான போரில் ரஷ்யாவை சேர்ந்த ஒரு லட்சம் வீரர்கள் கொல்லப்பட்டு இருக்கலாம் அல்லது காயம் அடைந்து இருக்கலாம். உக்ரைன் நாட்டு வீரர்களுக்கும் இதே நிலை தான்.
பம்மாத்து காட்டும் பாக்யராஜ்; அதிமுகவில் தொடர் பரபரப்பு!
உக்ரைன் மீது நடத்தப்பட்டு வரும் ரஷ்யாவின் ராணுவ தாக்குதலுக்கு எத்தனை ஆண்டுகள் ஆனாலும், பதில் அளித்தாக வேண்டும். போர் தொடங்கியது முதல் இதுவரையில் 1.5 கோடி முதல் 3 கோடி மக்கள் வரை அகதிகளாக மாறியுள்ளனர். மேலும் 40,000 பொதுமக்கள் கொல்லப்பட்டுள்ளனர்.
போரை உடனடியாக முடிவுக்கு கொண்டு வர இரு நாடுகளும் பேச்சுவார்த்தைக்கு வராவிட்டால் உக்ரைனுக்கு தொடர்ந்து அமெரிக்கா ராணுவ உதவி வழங்கும். இவ்வாறு அமெரிக்க ராணுவ அதிகாரி மார்க் மில்லி தெரிவித்துள்ளார். இந்த தகவல் ரஷ்யாவை மரண பீதியில் ஆழ்த்தி உள்ளது.