சர்வதேச கிரிக்கெட் கவுன்சிலின் நிதி விவகாரங்களை கவனிக்கும் குழுவின் தலைமை பொறுப்புக்கு ஜெய் ஷா தேர்ந்தெடுக்கப்பட்டுள்ளார்.
நிதி மற்றும் வணிகக் குழு தலைவராக தேர்ந்தெடுக்கப்பட்டுள்ள ஜெய் ஷா ஐசிசி நிகழ்வுகளுக்கான பட்ஜெட் ஒதுக்கீடு மற்றும் உறுப்பினர் நாடுகளுக்குப் பணத்தை விநியோகம் செய்வது ஆகியவற்றை கவனித்துக் கொள்வார்.
தற்போது இந்தப் பதவியில் உள்ள ரோஸ் மெக்கோலம் விரைவில் ஓய்வு பெறுவதை அடுத்து ஜெய் ஷா தேர்வாகியுள்ளார்.
ஆஸ்திரேலியாவில் சுற்றுப்பயணம் மேற்கொண்டுள்ள ஜெய் ஷா தற்போது மெல்போர்னில் நடைபெறும் ஐசிசி வாரிய கூட்டத்தில் கலந்து கொண்டுள்ளார்.
2023 ம் ஆண்டு மார்ச் மாதம் நடைபெற இருக்கும் ஐசிசியின் நிதி மற்றும் வணிக விவகாரக் குழு கூட்டத்திற்கு ஜெய் ஷா தலைமை தாங்குவார் என்று கூறப்படுகிறது.