பாகிஸ்தானில் இருந்து இந்தியாவின் எல்லைக்குள் டிரோன்கள் ஊடுருவல் அதிகரித்து இருப்பதாக, எல்லை பாதுகாப்பு படை கூறி இருப்பது நாடு முழுவதும் பெரும் பரபரப்பை ஏற்படுத்தி உள்ளது.
கடந்த 10 மாதங்களில் மட்டும் பாகிஸ்தானில் இருந்து இந்தியாவின் எல்லையில் 266 டிரோன்கள் சட்டவிரோதமாக நுழைந்ததாக பாதுகாப்பு படையினர் தெரிவித்து உள்ளனர்.
இதில் 215 டிரோன்கள் பஞ்சாப் செக்டார் வழியாகவும், 22 டிரோன்கள் ஜம்மு செக்டார் வழியாகவும் பாகிஸ்தானில் இருந்து வந்ததாக எல்லை பாதுகாப்புப் படையின் சார்பில் தெரிவிக்கப்பட்டு உள்ளது.
மழை.. ஏக்கருக்கு ரூ.30 ஆயிரம் நிவாரணம்; உடனடியாக வழங்க வந்த திடீர் கோரிக்கை!
அதே சமயம் டிரோன்கள் மூலமே ஆயுதங்கள், வெடிபொருட்கள் மற்றும் போதை பொருள் இந்தியாவுக்குள் கடத்தப்படுகிறது. இந்தியா பாகிஸ்தான் சர்வதேச எல்லை பகுதிகளில் ஆங்காங்கே கேம்ப் அமைத்து உள்ள பாகிஸ்தானை தளமாக கொண்ட லஷ்கர்-இ-தொய்பா மற்றும் பிற பயங்கரவாத அமைப்புகள் இதன் பின்னணியில் உள்ளன.
இதையடுத்து இது போன்ற டிரோன்களை ஆய்வு செய்ய எல்லை பாதுகாப்பு படை (பிஎஸ்எப்) டெல்லியில் உள்ள முகாமில், அதிநவீன ஆய்வகத்தை அமைத்துள்ளதாக அறிவிக்கப்பட்டுள்ளது.
இதுதொடர்பாக எல்லை பாதுகாப்பு படை (பிஎஸ்எப்) இயக்குநர் பங்கஜ் குமார் சிங் கூறியதாவது:
புறப்பட்ட புது ஊழல்.. எடப்பாடி பீதி; அமைச்சர் வேலு அதிர்ச்சி தகவல்கள்!
பாகிஸ்தானில் இருந்து கடந்த 2022ம் ஆண்டில் மட்டும் வரும் டிரோன்கள் மூலம் போதை பொருள், ஆயுதங்கள் மற்றும் வெடிமருந்துகளை அனுப்புவது கணிசமாக அதிகரித்து இருக்கிறது.
இது போன்ற டிரோன்கள், கணினிகள் மற்றும் மொபைல் போன்களில் மின்னணு சிப்கள் உள்ளன. சுட்டு வீழ்த்தப்படுகின்ற டிரோன்களை தடயவியல் ஆய்வுக்காக உட்படுத்தி இருக்கிறோம்.
கடந்த 2020ம் ஆண்டில் இந்தியா-பாகிஸ்தான் சர்வதேச எல்லையில் மட்டும் 79 டிரோன்களை பி.எஸ்.எப் கண்டுபிடித்து உள்ளது. இது கடந்த 2021ம் ஆண்டில் 109 ஆக அதிகரித்து உள்ளது.
ரேஷன் ஊழியர்கள் ஹேப்பி; வெளியான மாஸ் அறிவிப்பு!
அதே எண்ணிக்கையானது இந்த ஆண்டு மட்டும் 266 ஆக அதிகரித்து உள்ளது. இவற்றில் 215 டிரோன்கள் பஞ்சாப் எல்லையிலும், 22 டிரோன்கள் ஜம்மு எல்லையிலும் ஊடுருவி இருக்கின்றன. இவ்வாறு எல்லை பாதுகாப்பு படை (பிஎஸ்எப்) இயக்குநர் பங்கஜ் குமார் சிங் கூறினார்.