ரஜினியை தொடர்ந்து சிம்புவிடம் பாராட்டு பெற்ற பிரதீப் ரங்கநாதன்
ஜெயம் ரவி நடிப்பில் கோமாளி படத்தை இயக்கிய பிரதீப் ரங்கநாதன் தற்போது லவ் டுடே என்ற படத்தை இயக்கி தானே நடித்திருக்கிறார். இப்படம் திரைக்கு வந்து பாசிட்டிவான விமர்சனங்களுடன் மிகப் பெரிய அளவில் வசூல் சாதனை புரிந்து கொண்டு இருக்கிறது. 5 கோடி பட்ஜெட்டில் தயாரிக்கப்பட்ட இந்த படம் இதுவரை 40 கோடிக்கு மேல் வசூலித்துள்ளது. இந்நிலையில் இந்த லவ் டுடே படத்தை பார்த்த ரஜினிகாந்த் பிரதீப் ரங்கநாதனை வீட்டுக்கு அழைத்து பாராட்டினார்.
அவரை தொடர்ந்து தற்போது சிம்புவும் அவருக்கு கால் செய்து பாராட்டியதோடு, ஒரு பூங்கொத்து அனுப்பி வைத்து வாழ்த்து தெரிவித்திருக்கிறார். அதோடு, அன்புள்ள பிரதீப் லவ் டுடே படத்தின் வெற்றிக்கு வாழ்த்துகள் என்றும் அதில் குறிப்பிட்டுள்ளார். இதையடுத்து சிம்பு அனுப்பிய பூங்கொத்தை வீடியோ எடுத்து சோசியல் மீடியா பக்கத்தில் பதிவிட்டு நன்றி தெரிவித்திருக்கிறார் பிரதீப் ரங்கநாதன்.