Actor Krishna Passed away : மகேஷ் பாபு தந்தை காலமானார்…

தெலுங்கு சினிமாவின் சூப்பர் ஸ்டாரக வலம் வந்த நடிகர் கிருஷ்ணா (79). 5 தசாப்தங்களாக தெலுங்கு திரையுலகை ஆண்ட கிருஷ்ணா, பல்வேறு மொழிகளில் மொத்தம் 350 திரைப்படங்களுக்கு மேலாக நடித்துள்ளார்.

இவருக்கு நேற்று நள்ளிரவு 2 மணிக்கு மாரடைப்பு ஏற்பட்டதை அடுத்து, ஹைதராபாத்தில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டிருந்தார். அவருக்கு முதலுதவி சிகிச்சை அளித்த பின், சற்று நலமாக இருப்பதாக தெரிவிக்கப்பட்டது. இருப்பினும், அவரது உடல்நிலை சற்றுநேரத்தில் மீண்டும் மோசமாகியுள்ளது. 

மருத்துவர்கள் தொடர்ந்து அவர்களுக்கு சிகிச்சை அளித்து வந்த நிலையில், இன்று அதிகாலை 4 மணியளவில் மருத்துவமனையில் அவரின் உயிர் பிரிந்துள்ளது. இதனால், தெலுங்கு திரையுலகமே அதிர்ச்சியில் ஆழ்ந்துள்ளது. சமூக வலைதளங்களில், மகன் மகேஷ் பாபு உள்ளிட்ட அவரின் குடும்பத்தினருக்கு பலரும் தங்களின் ஆழ்ந்த இரங்கலை தெரிவித்து வருகின்றனர். 

Saddened by the passing away of #SuperStarKrishna Garu.

He left an indelible mark on Indian Cinema through his prolific artistry. The coming generations will remember him fondly for his classic movies.

Condolences to his family and admirers. Om Shanti.#MaheshBabu | #RIPLEGEND pic.twitter.com/MSK5uBYwrN

— P C Mohan (@PCMohanMP) November 15, 2022

அல்லூரி சீத்தாராம ராஜூ, சிம்ஹாசனம், கோதாசாரி 116, ஜேம்ஸ் பாண்ட 777 உள்ளிட்ட பல படங்கள் பெரும் வெற்றிகளை குவித்தன. சினிமா மட்டுமில்லாமல் அவர் அரசியலிலும் சிறிதுகாலம் பணியாற்றினார். தொடர்ந்து, 2012ஆம் ஆண்டு அரசியலில் இருந்தும் ஓய்வுபெற்றார். அவர் நடித்த காலத்தில், அதிக சம்பளம் பெற்ற நடிகர்களுள் அவரும் ஒருவர்.

மேலும் படிக்க | பிரபல சூப்பர் ஸ்டாரின் தாயார் மரணம்!