சந்திரமுகி-2வில் கங்கனா ரணாவத்: அதிகாரப்பூர்வ அறிவிப்பு
ரஜினி, ஜோதிகா, நயன்தாரா, வடிவேலு நடிப்பில் பி.வாசு இயக்கிய படம் சந்திரமுகி. சூப்பர் ஹிட்டான இப்படத்தின் இரண்டாம் பாகத்தை தற்போது ராகவா லாரன்ஸ், வடிவேலு, ராதிகாவை ஆகியோரை வைத்து இயக்கி வருகிறார் பி.வாசு. இந்த படத்தில் முதல் பாகத்தில் ஜோதிகா நடித்த சந்திரமுகி வேடத்தில் நடிக்கப்போவது யார்? என்கிற எதிர்பார்ப்புகள் தொடர்ந்து நிலவி வந்தது. இந்நிலையில் அந்த வேடத்தில் தாம்தூம், தலைவி படங்களில் நடித்துள்ள பாலிவுட் நடிகை கங்கனா ரணாவத் நடிப்பதாக சமீபத்தில் செய்திகள் வெளியாகின.
இந்தநிலையில் தற்போது சந்திரமுகி-2 படத்தை தயாரிக்கும் லைகா நிறுவனம் ஜோதிகா நடித்த வேடத்தில் கங்கனா ரணாவத் நடிப்பதை உறுதிப்படுத்தி உள்ளது. அதுகுறித்த ஒரு போஸ்டரையும் அந்நிறுவனம் வெளியிட்டுள்ளது. இதனால் சந்திரமுகி-2 படத்திற்கான எதிர்பார்ப்புகள் அதிகரிக்கத் தொடங்கியுள்ளது.