பாடல் காட்சிக்காக பிரான்ஸ் கிளம்பிய சிரஞ்சீவி – ஸ்ருதிஹாசன்
காட்பாதர் படத்தின் வெற்றியை தொடர்ந்து சிரஞ்சீவி நடிப்பில் அடுத்ததாக உருவாகிவரும் படம் வால்டர் வீரையா. இயக்குனர் பாபி இயக்கி வரும் இந்த படம் வரும் ஜனவரி 13ம் தேதி சங்கராந்தி பண்டிகை ரிலீசாக வெளியாகிறது. இந்த படத்தில் ஸ்ருதிஹாசன் கதாநாயகியாக நடிக்க முக்கிய வேடத்தில் கேத்தரின் தெரசா நடித்துள்ளார். இந்த படத்திற்கு தேவி ஸ்ரீ பிரசாத் இசையமைத்துள்ளார்.
சமீபத்தில் இந்த படத்தில் இருந்து வெளியான பாஸ் வச்சிண்டு என்கிற பாடல் வெளியாகி ரசிகர்களிடம் வரவேற்பை பெற்றது. இந்த படத்தில் இன்னும் ஒரு பாடல் காட்சி மட்டும் படமாக்கப்பட வேண்டி உள்ளது. இதற்காக தற்போது சிரஞ்சீவி, ஸ்ருதிஹாசன் ஆகியோர் பிரான்ஸ் கிளம்பி சென்றனர். தன்னுடைய குடும்பத்தையும் உடன் அழைத்துக் கொண்டு சென்றுள்ள சிரஞ்சீவி இது குறித்த புகைப்படங்களை தனது சோசியல் மீடியா பக்கத்தில் தற்போது பகிர்ந்துள்ளார்.