கோழிக்கோடு, பயன்படுத்தப்பட்ட பழைய ‘ஆடி’ கார்களை விற்பனை செய்யும் ‘ஆடி அப்ரூவ்டு பிளஸ்’ விற்பனை மையங்களின் எண்ணிக்கையை 22 ஆக அதிகரித்துள்ளது, ‘ஆடி இந்தியா’ நிறுவனம்.
அண்மையில், ஜார்க் கண்டின் ராஞ்சி மற்றும் கேரளாவின் கோழிக்கோடு ஆகிய நகரங்களில் இத்தகைய விற்பனை மையங்களை துவக்கிஉள்ளது ஆடி நிறுவனம்.
தமிழகத்தில் சென்னை, கோவை மற்றும் மதுரை ஆகிய நகரங்களில் ஏற்கனவே இத்தகைய விற்பனை மையங்கள் உள்ளன.
இதுகுறித்து, ஆடி இந்தியா நிறுவனத்தின் தலைவர் பல்பீர் சிங் தில்லான் கூறியதாவது:
வாடிக்கையாளர்களின் மனத் திருப்திக்காக, பழைய கார்களில் வெளிப்புறம் முதல் உட்புறம் வரை 300க்கும் மேற்பட்ட சோதனைகள் செய்யப்படுகின்றன.
இந்த ஆடி அப்ரூவ்டு பிளஸ் விற்பனை மையத்தின் வாயிலாக, 24 மணி நேர சாலையோர உதவி மற்றும் விற்பனை செய்யப்படும் வாகனங்களின் முழு வரலாறு ஆகியவை வழங்கப்படுகிறது. கூடுதலாக, நிதி மற்றும் காப்பீட்டு திட்டங்களும் வழங்கப்படுகின்றன.
இவ்வாறு அவர் கூறியுள்ளார்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement