உக்ரைன் நேட்டோவில் இணைய அதிபர் ஜெலன்ஸ்கி நடவடிக்கைகள் மேற்கொண்டதால், ரஷ்யா அந்நாட்டின் மீது போர் தொடுத்துள்ளது. அதன்படி உக்ரைன் மீது ரஷ்யா கடந்த பிப்ரவரி மாதம் போர் தொடுத்தது. தாக்குதலை தொடுத்த ரஷ்யா, இரண்டே நாளில் உக்ரைன் தலைநகர் கீவ் வரை முன்னேறியது. அதைத் தொடர்ந்து அமெரிக்கா ஆயுதங்களை தாராளமாக உக்ரைனுக்கு வழங்க ஆரம்பித்தது. அதேபோல் பல்வேறு நேட்டோ உறுப்பு நாடுகளும் தாராளமாக ஆயுதங்களை வழங்கின. இதனால் கடந்த 10 மாதங்களாக போர் முடிவுக்கு வராமல் நீண்டு கொண்டே செல்கிறது.
போர் காரணமாக உக்ரைனில் இருந்து லட்சக்கணக்கானோர் வெளியேறி வருகின்றனர். ஏராளமானோர் உயிரிழந்துள்ளனர். உக்ரைன் மீதான போரை ரஷ்யா கைவிட வேண்டும் எனவு, அமைதி திரும்ப வழிவகை செய்ய வேண்டும் எனவும் உலக நாடுகள் வலியுறுத்தி வருகின்றன. உக்ரைன் – ரஷ்யா போர் காரணமாக, உலகம் முழுவதும் பொருளாதாரம் ஆட்டம் கண்டுள்ளது.
பல மேற்கத்திய நாடுகளில் கடும் விலைவாசி உயர்வு ஏற்பட்டுள்ளது. இதனால் அமெரிக்காவின் உதவியால் உக்ரைன் போர் நீண்டு வருவதால், போரை நிறுத்த வேண்டும் என விலைவாசி உயர்வால் பாதிக்கப்பட்ட மேற்கத்திய நாடுகளில் உள்ள பொதுமக்கள் போராட்டத்தில் ஈடுபட்டு வருவது குறிப்பிடதக்கது. அதேபோல் இந்த போரால் இலங்கை நாடு திவாலாகிவிட்டது.
கடந்த 10 மாதங்களாக நீண்டு வரும் போரை முடிவுக்கு கொண்டு வர ரஷ்யா அணு ஆயுதங்களை பயன்படுத்துவதற்கும் தயங்காது என ரஷ்ய அதிபர் புதின் கடந்த 3ம் தேதி தெரிவித்தார். இந்தநிலையில் ரஷ்யாவை சமாளிக்க அமெரிக்காவிடம் இருந்து ஆயுதம் வாங்க, உக்ரைன் அதிபர் ஜெலன்ஸ்கி அமெரிக்கா சென்றார்.
அமெரிக்க அதிபர் ஜோ பிடனைச் சந்தித்து, இந்த குளிர்காலத்தில் உக்ரைனின் ஆற்றல் மையங்கள் மற்றும் நீர் வளங்களை குறிவைத்து ரஷ்யா தாக்குதல் நடத்தி வருவதால், அதை சமாளிக்க ஆயுதம் வேண்டும் என கோரிக்கை விடுத்துள்ளார். அதையடுத்து 1.8 பில்லியன் டாலர் மதிப்பிலான ஆயுதங்கள் உக்ரைனுக்கு வழங்கப்பட உள்ளது.
உக்ரைன் அதிபர் அமெரிக்கா செல்வதற்கு சில நேரங்களுக்கு முன்பு, அடுத்த ஆண்டு தொடக்கத்தில்ல் ரஷ்யா தனது ராணுவ கட்டமைப்பை மேலும் வலிமைபடுத்தி, அணு ஆயுத படைப்பிரிவை தயார்நிலையில் வைத்திருக்கும் என ரஷ்ய அதிபர் புடின் தெரிவித்தார்.
அதைத் தொடர்ந்து, ரஷ்ய செய்தி தொடர்பாளர் டிமிட்ரி பெஸ்கோவ் கூறும்போது, ரஷ்யாவின் கவலைகளுக்கு செவிசாய்க்கத் தயாராக இருப்பதாகக் கருதக்கூடிய ஒரு சில வார்த்தைகளைக் கூட அமெரிக்க அதிபர் பிடனோ அல்லது உக்ரைன் அதிபர் ஜெலென்ஸ்கியோ இதுவரை சொல்லவில்லை என்பதை நாம் வருத்தத்துடன் கூறலாம்.
விஸ்வரூப ஆஞ்சநேயர் சுவாமிக்கு 16 வகை அபிசேகங்கள் நடைப்பெற்றது
டான்பாஸில் உள்ள நகரங்கள் மற்றும் கிராமங்களில் குடியிருப்பு கட்டிடங்கள் மீது தொடர்ந்து ஷெல் தாக்குதலுக்கு எதிராக ஜெலென்ஸ்கியை எச்சரிக்கும் ஒரு வார்த்தை கூட கேட்கப்படவில்லை மற்றும் அமைதிக்கான உண்மையான அழைப்புகள் எதுவும் இல்லை, போரை நிறுத்த இரு நாடுகளும் விரும்பவில்லை என்று தெரிவித்துள்ளார்.
இலங்கை பொருளாதார நெருக்கடி: ஐ.நா., ரூ.11 கோடி நிதியுதவி!
இந்தநிலையில் உக்ரைன் போரை விரைவாக நிறுத்த ரஷ்யா நடவடிக்கைகளை மேற்கொண்டு வருவதாக அதிபர் புடின் தெரிவித்துள்ளார். இது குறித்து அவர் கூறும்போது, ‘‘ போரை நிறுத்துவது தான் எங்களுடைய இலக்கு. விரைவில் அனைத்து விதமான தாக்குதல்களும் சிறப்பாக முடிவுக்கு கொண்டுவரப்படும். சிறந்த வழிகளில் தாக்குதல்கள் முடிவுக்கு வரும் என நம்புகிறோம். பேச்சுவார்த்தை மூலமாக சுமூக முடிவு எட்டப்பட வேண்டும் என நாங்கள் கருதுகிறோம். அதை நோக்கி தான் நாங்கள் பயணப்பட்டு வருகிறோம்’’ என அவர் தெரிவித்துள்ளார்.