அமிர்தசரஸ் பாகிஸ்தானில் இருந்து, நம் எல்லைக்குள் அத்துமீறி நுழைந்த ‘ட்ரோன்’ எனப்படும் ஆளில்லா விமானத்தை, எல்லை பாதுகாப்பு படை வீரர்கள் சுட்டு வீழ்த்தினர்.
இதுகுறித்து, எல்லை பாதுகாப்புப் படை அதிகாரிகள் கூறியதாவது:
பஞ்சாபின் அமிர்தசரசில் உள்ள சர்வதேச எல்லைப் பகுதியான பல்மோரான் அருகே, நம் அண்டை நாடான பாக்., பகுதியில் இருந்து, நம் எல்லைக்குள் அத்துமீறி பறந்து வந்த ட்ரோன் சுட்டு வீழ்த்தப்பட்டது.
இந்த ட்ரோன், 6 அடி அகலத்தில், 25 கிலோ எடையை சுமக்கக் கூடிய திறன் உடையது. இதிலிருந்து, நம் எல்லைப் பகுதி யில் ஏதேனும் பொருட்கள் வீசப்பட்டதா என்பது குறித்து தீவிரமாக தேடி வருகிறோம்.
இவ்வாறு அவர்கள் கூறினர்.
இந்த வாரத்தில், இரு நாட்களுக்கு முன் அமிர்தசரஸ் அருகே உள்ள டோக் எல்லை அருகே பறந்து வந்த பாக்.,கைச் சேர்ந்த ஒரு ட்ரோனை, எல்லை பாதுகாப்பு படையினர் சுட்டு வீழ்த்தினர்.
நேற்று முன்தினம், டர்ன் டரன் மாவட்டத்திலும் ஒரு ட்ரோன் சுட்டு வீழ்த்தப்பட்டது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement