முதல்வர்
தலைமையிலான தமிழக அமைச்சரவை கடந்த 14ஆம் தேதி விரிவாக்கம் செய்யப்பட்டதில்
இடம்பிடித்தார். அவர் இளைஞர் நலன் மற்றும் விளையாட்டு மேம்பாட்டுத்துறை அமைச்சராக பதவியேற்றார். கொங்கு மண்டலத்தில் திமுகவின் செல்வாக்கை வலுப்படுத்தும் வேலைகள் அமைச்சர்கள் செந்தில் பாலாஜி, கே.என்.நேரு ஆகியோர் மூலம் மேற்கொள்ளப்பட்டு வருகிறது.
உதயநிதி சுற்றுப்பயணம்
இந்த விஷயத்தில் எம்.எல்.ஏவாக இருந்த உதயநிதி ஸ்டாலினும் அவ்வப்போது சுற்றுப்பயணம் மேற்கொண்டு வந்தார். இந்நிலையில் அமைச்சரானதும் தனது முதல் பயணத்தை கோவையில் இடம்பெறுமாறு திட்டமிட்டுள்ளார். அதன்படி, இன்று இரவு சென்னையில் இருந்து விமானம் மூலம் கோவைக்கு செல்கிறார்.
உத்தேச நிகழ்ச்சி நிரல்
விமான நிலையத்தில் அமைச்சர் செந்தில் பாலாஜி தலைமையில் ஆயிரத்திற்கும் மேற்பட்ட திமுகவினர் திரண்டு உற்சாக வரவேற்பு அளிக்கவுள்ளனர். இரவு கோவையில் தங்கி ஓய்வெடுக்கிறார். நாளை கிறிஸ்துமஸ் விடுமுறை தினத்தில் பல்வேறு நிகழ்ச்சிகளில் கலந்து கொள்கிறார். இதுதொடர்பான உத்தேச நிகழ்ச்சி நிரல் வெளியாகியுள்ளது. அதன்படி, காலை 10 மணிக்கு கோவையில் உள்ள நேரு விளையாட்டரங்கை சென்றடைகிறார். அங்கு,
சுமார் 7 கோடி ரூபாய் மதிப்பீட்டில் செயற்கை இழை ஓடுதளப் பாதை அமைக்கும் பணிக்கு அடிக்கல் நாட்டுகிறார். அதன்பிறகு நேரு விளையாட்டரங்கை பார்வையிடுகிறார். காலை 10.15 மணிக்கு நேரு விளையாட்டரங்கில் இருந்து புறப்படுகிறார். 10.25 மணிக்கு மாவட்ட ஆட்சித் தலைவர் அலுவலகம் சென்றடைகிறார்.காலை 10.30 மணிக்கு விளையாட்டு மேம்பாட்டுத் துறை பணிகளின் முன்னேற்றம் குறித்த ஆய்வுக்கூட்டம் நடைபெறுகிறது.சிறப்புத் திட்டச் செயலாக்கத் துறை பணிகளின் முன்னேற்றம் குறித்த ஆய்வுக்கூட்டம் நடக்கிறது.விளையாட்டு வீரர்கள் மற்றும் விளையாட்டு அமைப்புகளுடன் கலந்துரையாடுகிறார். காலை 11.30 மணிக்கு மாவட்ட ஆட்சித் தலைவர் அலுவலகத்தில் இருந்து புறப்படுகிறார். 12 மணிக்கு கொடிசியா அருகில் உள்ள மைதானத்திற்கு சென்றடைகிறார்.பல்வேறு துறை சார்பில் அரசு நலத்திட்ட உதவிகள் வழங்கும் விழாவில் கலந்து கொள்கிறார். பிற்பகல் 1 மணியளவில் கொடிசியா அருகில் உள்ள மைதானத்தில் இருந்து புறப்பட்டு செல்கிறார்.
2024 மக்களவை தேர்தல்
உதயநிதி ஸ்டாலின் பங்கேற்கும் நிகழ்ச்சிகள் அனைத்தும் சிறப்பான முறையில் நடைபெறும் வகையில் அமைச்சர் செந்தில் பாலாஜி தலைமையில் தொடர்ச்சியாக ஆலோசனை கூட்டங்கள் நடைபெற்று வருகின்றன. மேலும் விழா நடைபெறும் இடங்களில் ஏற்பாடுகளை நேரில் பார்வையிட்டு வருவதும் குறிப்பிடத்தக்கது. தமிழகத்தை பொறுத்தவரை அடுத்த பெரிய தேர்தல் 2024 மக்களவை தேர்தல்.
திமுக அமோக வெற்றி
கடந்த முறை கொங்கு மண்டலத்தில் திமுக அமோக வெற்றி பெற்றிருந்தது. ஆனால் சட்டமன்ற தேர்தலில் கோட்டைவிட்டது. எனவே இம்முறை கோவை உள்ளிட்ட கொங்கு மண்டலப் பகுதிகளில் சிறப்பான வெற்றி பெறும் வகையில் அரசியல் ரீதியாக காய்கள் நகர்த்தப்பட்டு வருகிறது. அதற்கு அமைச்சர் உதயநிதி ஸ்டாலின் பயணம் மிகுந்த முக்கியத்துவம் வாய்ந்ததாக பார்க்கப்படுகிறது.