சத்தியமங்கலம்: ஈரோடு மாவட்டம், பவானிசாகர் அருகே புதுப்பீர்கடவு வனப்பகுதியில் இருந்து ேற்று முன்தினம் இரவு வெளியேறிய காட்டு யானை இரவு நேரத்தில் புதுப்பீர்கடவு கிராமத்திற்குள் புகுந்து தெருக்களில் ‘ஹாயாக’ உலா வந்தது. பின்னர் மெதுவாக விவசாய தோட்டங்கள் வழியாக நுழைந்து சென்று வனப்பகுதியை நோக்கி சென்றது. இதையடுத்து, கிராம மக்கள் நிம்மதி பெருமூச்சு விட்டனர். ஆனாலும், இரவு முழுவதும் தூக்கமின்றி தவித்தனர்.
வீட்டை சூறையாடியது: நீலகிரி மாவட்டம் பந்தலூர் ஒன்றியம் சேரம்பாடி சேரங்கோடு செக்போஸ்ட் பகுதியில் நேற்று முன்தினம் இரவு குட்டியுடன் 5 காட்டு யானைகள் உணவு தேடி வந்தன. அங்கு பன்னீர்செல்வம் என்பவரின் வீட்டின் பின்பக்கம் கூரை மற்றும் சுவரை இடித்து சேதப்படுத்தின. வீட்டில் இருந்தவர்கள் கூச்சலிட்டு, அதிர்ஷ்டவசமாக உயிர் தப்பினர்.