புதுடெல்லி: போர்க்கப்பல்களை தாக்கி அழிக்கும் பிரமோஸ் ஏவுகணை சோதனையை இந்திய விமானப்படை வெற்றிகரமாக செய்துள்ளதாக அரசு தெரிவித்துள்ளது. மேம்படுத்தப்பட்ட பிரமோஸ் ஏவுகணை சோதனை வங்காள விரிகுடா பகுதியில் வெற்றிகரமாக நடத்தப்பட்டது. “சுகோய் 30 ரக போர் விமானத்திலிருந்து ஏவப்பட்ட இந்த பிரமோஸ் ஏவுகணை குறிப்பிட்ட இலக்கை வெற்றிகரமாக தாக்கி அழித்தது” என்று விமானப்படை தெரிவித்துள்ளது.
சுகோய் 30 ரக போர் விமானங்களில் இருந்து நிலம் மற்றும் கடல் பகுதிகளில் மிக நீண்ட தூரங்களில் தாக்குதல்களை நடத்துவதற்கான திறனை இந்திய விமானப் படை பெற்றுள்ளதாகவும், இது போர்க்காலங்களில் இந்திய விமானப் படையில் பயன்படுத்தப்படும் என்றும் அரசு கூறியுள்ளது.