CBSE 10 மற்றும் 12ம் வகுப்பு பொதுத் தேர்வு 2023ம் ஆண்டுக்கான அட்டவணை www.cbse.gov.in என்கின்ற இணையதள பக்கத்தில் கூடிய விரைவில் வெளியிடப்படும் என, தகவல் வெளியாகி இருந்தது.
வழக்கமாக CBSE தேர்வுகள் நடைபெறுவதற்கு 40 முதல் 60 நாட்களுக்கு முன்பாகவே தேர்வு அட்டவணை வெளியாகி விடும். அதன் பிறகு அடுத்த வருடம் ஜனவரி மாதம் சிபிஎஸ்சிஇ பிராக்டிகல் தேர்வு நடைபெறும் என வாரியம் அறிவித்திருந்தது.
அதன் பிறகு மாணவர்கள் சிபிஎஸ்சிஇ தேர்வு குறித்த தகவல்களை அதிகாரப்பூர்வ இணையதளத்தில் மட்டும் தான் தெரிந்து கொள்ள வேண்டும் என அரசு அறிவித்து இருந்தது.
மேலும் சிபிஎஸ்இ பொது தேர்வு எழுத 34 லட்சத்திற்கும் அதிகமான மாணவர்கள் விண்ணப்பித்து உள்ளதாகவும் கூறப்பட்டது. இந்நிலையில் சிபிஎஸ்இ 12-ம் வகுப்பு பொதுத் தேர்வு அட்டவணை நேற்று வெளியிடப்பட்டநிலையில் இன்று திடீரென மாற்றப்பட்டுள்ளது.
இதுகுறித்து சிபிஎஸ்இ வெளியிட்டுள்ள அறிவிப்பில் 12ம் வகுப்பு மாணவர்களுக்கான பொதுத் தேர்வு அட்டவணைப்படி ஏப்ரல் 4ம் தேதி நடைபெற இருந்த தேர்வுகள் அனைத்தும் மார்ச் 27ம் தேதிக்கு மாற்றப்படுவதாக தெரிவிக்கப்பட்டு உள்ளது.
சிபிஎஸ்இ 12ம் வகுப்பு பொதுத் தேர்வு வரும் பிப்ரவரி 15ம் தேதி தொடங்குகிறது. ஏப்ரல் 5ம் தேதி தேர்வு முடிவடைகிறது. இதற்கான அட்டவணையை சிபிஎஸ்இ நேற்று வெளியிட்டது.
இந்நிலையில் இந்த அட்டவணையில் இன்று ஒரு திருத்தம் மேற்கொள்ளப்பட்டுள்ளது. அதன்படி ஏப்ரல் 4ம் தேதி நடைபெறுவதாக இருந்த தேர்வுகள் அனைத்தும் மார்ச் 27ம் தேதிக்கு மாற்றப்பட்டு உள்ளன.
ஜேஇஇ மெயின் தேர்வு உள்ளிட்ட போட்டித் தேர்வுகளை கருத்தில் கொண்டு இந்த மாற்றம் மேற்கொள்ளப்பட்டு உள்ளதாக சிபிஎஸ்இ தெரிவித்து உள்ளது. ஒரே நாளில் இரண்டு தேர்வுகள் வருவதை தவிர்க்கும் பொருட்டு இந்த முடிவு எடுக்கப்பட்டு உள்ளதாகவும் சிபிஎஸ்இ கூறி உள்ளது.
சிபிஎஸ்இ 12ம் வகுப்பு பொதுத் தேர்வுகள் காலை 10.30 மணிக்கு தொடங்கி 1.30 மணிக்கு நிறைவடையும் என தெரிவிக்கப்பட்டு உள்ளது. 12ம் வகுப்புக்கான செய்முறை தேர்வுகள் வரும் ஜனவரி 2ம் தேதி தொடங்க இருக்கின்றது என்பது குறிப்பிடத்தக்கது.